Prezidente Rede Feto, Yasinta Luzinha. Imajen TATOLI/Egas Cristovão.

DILI, 18 fevereiru 2021 (TATOLI)—Prezidente Rede Feto, Yasinta Luzinha, hateten Rede Feto simu ona keixa hosi vítima ba violasaun seksuál iha loron valentine no iha kompromisu hodi fó asisténsia ba vítima atu bele hetan fatin seguru no labele sente trauma hodi hein prosesu justisa.

Notísia Relevante: Selebra loron valentine, hosi ponte okos to’o sela polísia

“Ho kazu violasaun ne’e, ami iha kompromisu makaas ba apoiu ba prosesu hotu ba ita-nia alin feto. Tanba Rede Feto nia asisténsia ba vítima mak dahuluk oinsá nia hetan fatin seguru, labele hetan ameasa no la sente trauma, nune’e nia bele rekupera lalais hodi tuir prosesu justisa,” Yasinta Luzinha hateten ba Agência TATOLI, iha salaun Katedral, Vila Verde, Dili, kinta ne’e.

Kona-ba akompaña ba prosesu vítima nian, nia dehan, klaru servisu ne’e parte organizasaun ne’ebé mak tau-matan ba vítima ba violasaun oioin nian maibé dudaun ne’e vítima seguru ona iha uma mahon balun.

“Meiu ne’ebé mak ami uza mak sei akompaña prosesu hotu no fó korajen ba vítima atu oinsá nia prontu hodi hatán iha parte judisiária nian, nune’e bele hetan justisa legál ida inklui halakon nia trauma. Maibé ikus ne’e, vítima tenke hetan asesu justisa ho loloos,” nia hatete.

Nia hateten, vítima ba violasaun seksúal iha loron domin nian ne’e hetan ona asisténsia hosi uma mahon balun iha Timor-Leste hodi hein prosesu justisa nian.

Jornalista: Osória Marques

Editór: Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here