Ekipa Médiku PNTL uza thermometer teste abitante sira-nia kondisaun fíziku hodi evita surtu COVID-19. Imajen Tatoli/Eugénio Pereira

AINARO- 18 fevereiru 2021 (TATOLI) – Ekipa saúde Munisípiu Ainaro seidauk rejista abitante hosi Ainaro sofre COVID-19.

Notísia Relevante : PNTL Ainaro blokeia abitante Covalima tama Ainaro atu liu-mai Dili

Segundu Komandante Polísia Ainaro, Superintendente Asistente Mário Bucar da Costa, reprezenta ekipa saúde Ainaro, informa asuntu ne’e ba jornalista, bainhira hamutuk ho ekipa médiku PNTL no ekipa saúde halo check point ba movimentu abitante sira iha área Casa-Ainaro, kinta ne’e.

Ekipa médiku PNTL uza thermometer teste abitante sira-nia kondisaun fíziku. Imajen Tatoli/Eugénio Pereira

“To’o agora polísia no ekipa saúde Munisípiu Ainaro,  seidauk rejista abitante ruma maka sofre COVID-19, maibé ami kontinua sosializa  informasaun ba abitante sira atu kuidadu aan hodi kumpre regra saúde públiku,” Mário Bucar da Costa informa.

Superintendente Asistente, Mário Bucar da Costa hatutan, Ainaro ho Postu Administrativu haat; Ainaro Vila, Hatu-Builico, Hatu-Udu, Baubissi ho suku 21 ho abitante tuir sensu 2015 hamutuk ema 1,167,242, kompostu hosi mane na’in-588,561 no feto  578,681.

Notísia Relevante : MS rejista kazu pozitivu COVID-19 ida, na’in 18 rekoperadu

Nia hatutan, servisu Saúde Ainaro liu-liu ekipa Pillar III Ministériu Saúde nian iha Ainaro koopera di’ak tebes ho ekipa PNTL, inklui autoridade Munisípiu Ainaro hodi sensibiliza regra saúde ba abitante iha merkadu, eskola no fatin públiku.

Tuir observasaun Agência TATOLI nota katak parte saúde PNTL uza thermometer kontinua kontrola kondisaun saúde abitante sira, inklui jornalista no parte seguransa F-FDTL no PNTL ne’ebé halo movimentu ba-mai fronteira Ainaro, Covalima no Manufahi nian.

Jornalista    : Eugénio Pereira

Editór        : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here