Defensor Públiku Jerál, Câncio Xavier. Imajen Tatoli/Nelson de Sousa

DILI, 18 fevereiru 2021 (TATOLI)-Defensoria Públika (DP) hamutuk ho Programa Monitorizasaun Sistema Judisiál (JSMP), foin lalais ne’e,  fahe informasaun kona-ba papél Defensoria nian ho nia kna’ar hodi fó asisténsia ba vítima iha krime violénsia doméstika ba komunidade sira iha Suku Fatuquero, Postu Administrativu Railaco, Munisípiu Ermera.

Defensór Públika Jerál, Câncio Xavier, ba Agência TATOLI, kinta ne’e, iha Dili, informa atividade   ne’e envolve hosi Defensoria Públiku, organizasaun la’ós Governu nian (ONG) nasionál sira realiza tanba ho apoiu hosi projetu  Spotlight liuhosi United Nation Development Programme (UNDP) no Komisaun Uniaun Europeia.

Notísia Relevante : HAK husu Defensoria Públiku hadi’a atendimentu

Nia hateten, matéria partilla  ho komunidade mak foku  fó asisténsia ba vítima iha krime violénsia doméstika, oinsá   asesu ba justisa formal no estrajudisiál. Nune’e  sidadaun bele hatene di’ak liután papél DP nian hodi hetan asisténsia liu-liu ba ema vulneravel sira hanesan feto no labarik sira uainhira husu asisténsia  tantu vítima sira, asistidu iha kazu krime no mós kazu sivíl sira.

Nia informa, atividade ne’e tuir planu sei kontinua  halo iha Munisípiu Viqueque, no Bobonaro.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here