Eskritór Júlio de Jesus.

Hosi: Júlio de Jesus*)

“Ita labele hanorin “Ikan atu sa’e ba ai leten, se lae ikan sa’e la di’ak no ikus mai ita julga fali ikan dehan ikan ne’e beik. Nune’e, la bele dehan IQ test ne’e sai ona hanesan prova únika ba intelijénsia ema-nian. Manorin ne’ebé di’ak, tenke hanorin ikan ida oinsá atu sai nani-na’in ida ne’ebé profisionál (Albert Einstein).                                              

Introdusaun

Iha artigu simples ida ne’e atan ha’u mai ho hanoin ida katak deskobre alunu sira-nia intelijénsia rasik ne’e sai asuntu ida-ne’ebé presizja tau atensaun. IQ test/Intelligence Quotient test, la’ós dalan úniku hodi prova alunu/a ida matenek ou la matenek. Tanba IQ test ne’e vale de’it ba hirak ne’ebé tama de’it ba intelijénsia matemátika—lójika (Mathematical-Logical Intelligence) no la’ós katak sira mós bele sai espertu iha toka viola. Ha’u hanoin manorin sira tenke rekuñese alunu hotu-hotu hanesan ema matenek maibé iha ida-idak nia abilidade (edukasaun inkluziva ka edukasaun demokrátika) tuir teoria matenek-na’in Haward Gardner.

Haward Earl Gardner moris iha Amérika iha loron 11 fulan jullu iha 1943, Scraton, Peninsilvania. Nia mós hanesan ko-diretór ba (project zero) PZ ne’e hanesan grupu ida-ne’ebé halo peskiza iha Harvard School Graduate School of Education. Iha nia vida akadémika, nia inspiradu loos ho livru Jean Piaget (psikólogu) ne’ebé trata kona-ba psokolojia dezenvolvimentu. Nia mós gosta aprende neuropsikolojia hosi Norman Geschwind no psikolinguísitiku hosi Roger Brow.

Depois ramata lisensiatura, nia servisu ho psikolinguístiku Eric Erikson. Buat ne’ebé halo ema hotu hakfodak mak iha 1965, Gardner hetan lisensiadu ho tempu badak de’it maibé ho valor (summa cumlaude=sangat sempurna), iha 1965-1966 nia aprende filozofia no sosiolojia iha London School of Economic no iha 1971 mak nia halo hotu nia estudu iha Havard University ho gelar PhD. Depois iha 1986, nia hanorin iha Havard School of Education depois nia ba halo peskiza iha Xina no iha 1980 obra nia-nian sira halo hotu iha Cambridge Massachusetts. Iha tinan 1983 mak nia públika nia The Frame Of Mind: The Multiple Intelligence.

Teoria bázika ba Intelinjénsia Múltipla, iha ne’e, Gardner fahe ba parte (8): Brain damage.

Nia hateten bainhira nia servisu hamutuk ho ema sira-ne’ebé hetan asidente, nia haree ema balun kanek no balu ulun rahun.

Gardner diskobre balun ne’ebé afetadu iha ulun mosu brain damage. Nia halo peskiza espesífika kakutak nian ida-ne’ebé mak la funsiona no loos duni nia deskobre iha área espesífika balun iha ulun la funsiona ona maibé seluk di’ak hela.

Gardner fó ezemplu: Bainhira nia atende pasiente ida ho kakutak afetadu tanba asidente maibé afeta espesífikamente ba left frontal lobe. Katak, ida-ne’e afeta kedas ba nia intelijénsia linguístika, nune’e pasiente ne’e susar atu hakerek no ko’alia. Maske nune’e pasiente ne’e sei bele dansa tanba intelijénsia múzikal ne’e seidauk estraga.

Husi ne’e kedas nia hahú halo perkiza kle’an liu tan kona-ba intelijénsia múltipla. No Armstrong (2000) hakerek konaba “right-brain/left brain” model of learning in 1970s. Exceptional individual, Gardner fó ezemplu ida: Iha filme Rain Man ho karaterístika Raymond ne’ebé imitadu hosi Dustin Hoffman, Gardner deskobre logical-mathematical savant ou iha lian indonézia dehan Ahli logika-matematika.

Nia la hatene ko’alia maibé bainhira nia halo konta ba matemátika ho númeru boot nia hanoin no rezolve de’it iha nia kakutak, maibé nia hatudu ka demonstra nia kapasidade matemátika ida-ne’ebé inkrível tebes.

Atu hateten nia ko’alia la di’ak ne’e la signifika nia la matenek, ita bele kategoria nia potensialidade ne’e iha intelijénsia matemátika no la’ós intelijénsia linguístika.

Tuir Armstrong (2000) he is not good at communicating with other people, or dealing with his own personal life ne’e, hamosu intelijénsia ida hanaran Intrapersonal Intelligence. Developmental history.

Iha parte ida-ne’e, Gardner dehan intelijénsia hotu ne’ebé nia deskobre ne’e mai ho ida-idak nia dezenvolvimentu istóriku rasik. Evolutional History, iha ne’e nia katak kada intelijénsia ne’e iha evolusaun istórika.

Tanba ne’e, istória ne’ebé ha’u asesu ne’e mak iha tinan 1983, Gardner kria uluk teoria múltipla intelijénsia ne’e ba hitu (7) no depois de ida-ne’e nia deskobre tan intelijénsia ida seluk nune’e sa’e ba (8).

Maibé, nia mós promove hela kona-ba Naturalistic Intelligence, ida-ne’e refere liu ba hirak ne’ebé iha kapasidade hodi la’o (petualangan) journey/trip. Oras ne’e eskritór resente balun koko atu dezenvolve ona dehan ida-ne’e mos intelijénsia ida hosi intelijénsia sira seluk. 

Psychometric finding, Gardner sujere atu tenke iha padraun teste ba ema tuir ida-idak nia kapasidade.

Ezemplu hanesan Christison hateten (2005) the Weschsler Intelligence Scale for Children includes sub-tests that focus on several of the different intelligences” (p. 5).

Nune’e de’it alunu sira bele partisipa iha atividade akadémika tuir ida-idak nia intelijénsia bázika ne’ebé iha ona.

Experimental psychological test, estudu psikolójiku lori ita ba komprende konaba intelijénsia separada.

Ezemplu: sira ne’ebé matenek iha leitura di’ak maibé sira difisil atu transfere sira nia kapasidade ida ne’e ba fali área seluk hanesan rezolve problema matemátika.

Ema balu ko’alia iha públiku sira nia retórika la’o di’ak, maibé bainhira sira kanta lian aat fali. Ema balu toka viola di’ak maibé joga bola la hatene.

Husi sira ne’e mak Amstrong dehan people can demonstrate different levels of proficiency across the eight intelligences in each cognitive area (Armstrong, 2000, p. 8). 

Set of operational, iha ne’e Gardner hateten ema-nia intelijénsia ne’e mós hanesan komputadór ne’ebé presiza iha set of operational. Tanba ema-nia intelijénsia ne’e diferensa, nune’e manorin mós tenke uza metodolojia ne’ebé la hanesan hodi deskobre no tulun sira bainhira deskobre ona sira-nia intelijénsia rasik.  

Encoding in symbolic system, akordu ho Gardner, nia dehan indikadór ida-ne’ebé di’ak liu ba kapasidade umana atu deskobre sira nia karakterístika intelijénsia nian mak abilidade ida oinsa uza símbolu. Tanba kada símbolu iha nia-nia sentidu rasik.

Ezemplu iha intelijénsia liguístika ema hirak ne’ebé hatene di’ak kona-ba lee, hakerek no ko’alia. bainhira sira ko’alia lian Franses, Inglés ka Portugés no iha lian sira-ne’e nia laran iha linguajen gráfika refere liu ba dezeñista sira no sira seluk ne’ebé iha sira-nia linguajen rasik.

Hosi ne’e Gardner hakarak atu dehan manorin sira presiza tebes atu deskobre alunu sira-nia intelijénsia, maibé haree hosi símbolu linguajen oioin ne’ebé konsiste iha língua ida-nia laran.

Intelijénsia ne’e mai hosi lian latin (verbo: inteligere) no nia adjetivu neutru mak (intelectum).

Tuir disionáriu España-Portugés (2001) katak intelijénsia ne’e hanesan fakuldade ida-ne’ebé atu entende no kuñese (p.750). Nune’e atu to’o iha entender e conhecer presiza sujeitu no objetu (tuir siénsia epistemolojia) tanba objetu provoka no sujeitu reazen hodi hamosu kuñesimentu no kuñesimentu ida-ne’e duni mak tenke to’o ka tuur iha Intelectum ne’e. 

Howard Gardner hatete ema ne’e normalmente iha matenek ka intelijénsia (8) ne’ebé la’ós ema ida bele hetan hotu matenek hirak ne’e.

Ho sentidu ida dehan katak bele oinsá mós sertamente ke ema ida bele hetan matenek ne’e ida ou liu ida ba leten. Tanba Gardner ne’e, psikólogu ida no mós peskizadór ba área edukasaun iha Universidade Harvard, nia kontra makaas métodu ida-ne’ebé konsidera de’it ema matenek bainhira ema refere liu iha teste Intelligence Quotient.

Tanba nia hateten ema hotu-hotu iha abilidade própria ne’ebé haksumik iha nia-aan no presiza tebes manorin sira-nia abilidade pedagójika hodi hatene katak kada alunu/a pertense ba intelijénsia ida-ne’ebé. Molok ita tama kle’an liután mai ita haree hamutuk matenek ka intelijénsia sira-ne’ebé Gardner deskobre:

Verbal-Linguistic Intelligence 

Word smart or book smart, iha ne’e nia dehan katak ema hirak ne’ebé tama iha intelijénsia ida ne’e sira iha abilidade atu hatene lalais no fásil ne’e mak língua: liuhosi lee, hakerek no ko’alia. Nia mós dehan katak se manorin ida hatene ka deskobre ona kada alunu sira-nia abilidade nune’e manorin ne’e mós tenke uza métodu ensinu iha arte ko’alia, arte leitura no arte hakerek. Tanba dirasaun finál ba intelijénsia ida-ne’e bele ajuda labarik ne’e fasil atu kapta matéria kapasidade bázika ne’ebé sira iha nanis ona. Projesaun aban bain rua nian ba labarik sira ho matenek nune’e sira bele sai linguístiku, aprezentadór, eskritór, tradutór, poeta no sesluk tan.

Lazear (2004) hateten intelijénsia ida-ne’e involve forma hotu-hotu hosi servisu língua nian inklui lee revista, novela, hakerek poezia, reportajem ka halo leitura; ema sira henesan ne’e ko’alia formál tebes iha audénsia sira no la formál bainhira sira ko’alia ho sira-nia belun. Ema sira hanesan ne’e intende no rona ho di’ak tebes ema nia liafuan, komprende ema-nia konversa karik hamutuk ho ema barak. Atu hateten katak sira hatene oinsá atu komunika. Intelijénsia ida ne’e mak kuaze ema hotu uza iha sira-nia vida diária no edukasaun públika (p.60). Iha ne’e mak presiza tebes manorin sira-nia abilidade pedagójika hodi indika dalan ba alunu sira tuir ida-idak nia matenek.

Mathematical-Logical Intelligence 

Math smart or Logic smart, Gardner dehan katak ida-ne’e tama iha Intelligence Quotient ka IQ. Ema hirak ne’ebé tama iha intelijénsia ida-ne’e sempre konseitualiza buat hotu organizadu no sira fásil atu resolve problema tuir lójika matemáika nian.

Tuir Armstrong (1993) hateten intelijénsia ida-ne’e sempre hatuur iha númeru no lójika, no ne’e hanesan sientista,  accountants (contadores) no  computer programmers ne’ebé sempre uza iha sira-nia profisaun diária. Nia mós aumenta tan katak tipu intelijénsia ida-ne’e inklui mós abilidade atu rasionaliza, eskematiza programa ho di’ak, hanoin em termu kauza no efeitu, kria ipóteze no jeralmente sira sempre aproveita atu haree ba moris ida-ne’e ho rasionál (p.10). Amstrong haree intelijénsia ida-ne’e ho matan realidade nian liután hodi asentua nafatin ba manorin sira katak manorin sira-ne’ebé di’ak tenke hamriik metin iha pedagojia ensinu nian ne’ebé ho arte atu bele lori estudante sira deskobre sira-nia kapasidade intelektuál rasik no bele dezenvolve siénsia seluk ne’ebé sira prefere atu aprende.

Visual-Spatial Intelligence 

Art smart or Picture smart, Gardner hateten iha intelijénsia ida-ne’e reprezenta kuñesimentu ne’ebé mosu hosi forma, imajen, padraun, dezeñu no testu. Nia mós aumenta liután katak ema hirak ne’ebé tama iha intelijénsia ne’e sira bele dezeña ka bele sai pintor ne’ebé di’ak, colored makers, constrauction papers and geographer (tanba sira fásil no lalais tebes atu lee mapa). Nune’e alunu sira-ne’ebé manorin deskobre katak sira-nia abilidade iha intelijénsia ida-ne’e, manorin ne’e tenke introdús ba sira oinsá liuhosi abilidade ne’ebé iha ona hodi aplika ka aprende tan matéria seluk.

Tele (2000) hateten ema hirak ne’ebé tama iha intelijénsia ida-ne’e ho grau ne’ebé aas entaun sira bele servisu ho arte. Nia aumenta tan katak se iha ona indikasaun ba estudante sira-ne’ebé pertense ba intelijénsia ida-ne’e manorin tenke introdús ba sira oinsá sai Artista Gráfiku, Kartógrafa, Dezeñista, Arkitekta, Pintór no Eskultór ne’ebé di’ak.

Intrapersonal Intelligence 

Self smart or Introspection smart, Gardner hateten iha intelijénsia ida-ne’e ita bele hanaran mos Introspective intelligence ka intelijénsia introspektiva. Ne’e dehan katak matenek ida-ne’ebé hatene tama fali ba nia-aan rasik. Gardner (1993) hateten se deskobre katak  alunu sira matenek iha intelijénsia ida-ne’e, Gardner akonsella manorin sira atu labele fó traballu grupu ba sira tanba sira la toman halo traballu ka servisu ho ema seluk. Sira tenke hetan traballu pesoál tanba ho ne’e de’it mak sira sente hakmatek. Alunu sira hanesan ne’e nonook mak barak no sira ladún konfortável bainhira sira rona ema barullu. Nia mós hateten tan katak intelijénsia ida-ne’e hanesan the intelligence of understanding oneself (Gardner 1999).           

Armstrong (1993) asentua katak ema hirak be tama iha intelijénsia ida-ne’e furak liu bainhira sira espesializa sira-nia estudu hanesan; konselleiru, teólogu no bele sai mós auto-empregu. Tanba sira-ne’e ba ema hirak ne’ebé gosta halo meditasaun no kontempla, nune’e sira prefere atu servisu mesak duké hamutuk ho ema seluk.

Bodily-Kinesthetic Intelligence 

Body smart or Movement smart, iha intelijénsia ida-ne’e mak Gardner dehan learn by doing ka belajar dengan melakukan. Nia dehan katak intelijénsia ida-ne’e mos importante tebes tamba the body “knows” many things that are not necessarily known by the conscious, logical mind. Ezemplu hanesan; oinsa sa’e bisikleta, oinsá mantein nafatin balansu bainhira la’o hela iha tali leten ka baki nia leten, oinsá dansa. Gardner akonsella se estudante sira-ne’ebé kategoria ona ba intelijénsia ida-ne’e manorin tenke konduz sira oinsá bele estuda didi’ak ka prepara-aan hodi espesializa estudu iha psikolojia (linguajen korporal), nia m’os bele sai atleta, no mós injineru.

Interpersonal Intelligence 

People smart or Group smart, iha intelijénsia ida-ne’e mak nia hanaran person-to-person the way of knowing. Katak, maneira atu kuñese ema ida ba ema seluk ka koñese ema ida ho ema seluk. Gardner (1999) hateten hirak ne’ebé tama iha intelijénsia ne’e sira bele fásil atu hatene ema seluk nia motivasaun, intensaun no ema seluk nia dejezu nune’e furak liu atu servisu hamutuk.

Amstrong (1993) hateten interpersonalidade intelijénsia pesoál ida bele sai kompasivu tebes no sosialmente responsável hanesan Mahatma Gandhi ka manipulativu no destreza hanesan Machiavelli (p.10). Nune’e atu hateten de’it katak intelijénsia ida-ne’e mak alunu sira sente no karik tulun hosi manorin sira no ikus mai deskobre katak sira tama iha ne’e duni. Ha’u akonsella atu traballu ka atividade akadémika sira tenke tau sira-ne’e hamutuk atu sira bele aprende no fasil atu sira komunika ba malu.

Naturalist Intelligence 

Nature smart or Environment smart, iha intelijénsia ida-ne’e Gardner (1999) hateten sira hirak ne’ebé bele distinge no klasifika espésie oioin iha nia-nia meiu ambiente rasik. Ema hirak ne’e iha abilidade atu sai kasadór ne’ebé espertu, bele sai to’o na’in ne’ebé profisionál, bele espesializa iha agrikultura nian, jardiñeiru ne’ebé iha arte ka estétika bainhira tesik aifunan sira.  Armstrong (1993) hateten the naturalist reveals the intelligence of the “green thumb”—that knack that some people have to garden, to nurture household plants, create wonderful landscapes, or in other ways show a natural care for flora (p. 225).

Musical-Rhythmic Intelligence 

Music smart or Sound smart, iha intelijénsia ida-ne’e bele deskobre liuhosi lian no vibrasaun sira. Tanba ne’e mak Gardner mós bolu intelijénsia ida-ne’e dehan auditory-vibrational. Nune’e mak manorin sira deskobre katak alunu sira espertu iha múzika (toka no kanta) presija tebes atu ajuda sira oinsá mak rona múzika hodi estuda ka servisu. Ou bele mós akonsella alunu sira atu buka hatene maneira (dekora múzika) no aplika ba iha matéria. Se alunu sira-ne’e apaixonadu loos ho múzika, manorin koko tulun sira atu espesializa-aan hodi sai múziku sira ne’ebé di’ak ka kualidade.  Teoria ne’e aplika ona iha Rejiaun Ázia Pasífika, Europa, Amérika Sul e Estadus unidus. Mai ita haré hamutuk nasaun sira ne’ebé aplika ona teoria ne’e iha sira nia kúrikulu no atividade ekstra kurikular sira.

Iha Parte Rejiaun Ázia Pasífika: Xina, Xina Kontinental, Makau, Japaun, Korea Sul. Iha parte Europa nian maka: Noruega, Dinamarke, Inglaterra, Irlanda, Turkia. Iha parte América do Sul maka: Arjentina, Kolombiana. Iha parte Estados Unidos maka  JIE-QI CHEN NO SEANA MORAN la indika nasaun sira-ne’ebé aplika ona teoria ne’e. Maibé em jeral eskritór na’in hitu (7) CHRIS KUNKEL, THOMAS R. HOERR, RENÉ DÍAZ-LEFEBVRE, C. JUNE MAKER | KETTY SAROUPHIM, VINCENT RIZZO no C. BRANTON SHEARER fó ona sasin liuhosi sira-nia artigu bainhira hetan intervensaun hosi teoria múltipla intelijénsia. Atu dehan saida konaba esperiénsia hosi Estadu avansadu sira ne’e mai ita hanesan estadu konstrutivu Timor-Leste?

Atu dehan katak ita-nia edukasaun mós presiza atu hatama teoria intelijénsia multípla iha sistema kurríkular atu bele garante ema hotu nia partisipasaun hanesan KRDTL artigu 590 nú. 1. The State shall recognise and guarantee that every citizen has the right to education and culture ……. no mós iha vizaun hosi Planu Dezenvolvimetu Edukasaun Nasional (2011-2030) ne’ebé hateten katak: Em 2030, o povo de Timor-Leste irá estar educado, informado e qualificado para vivern uma vida longa e produtiva, respeitando os valores tradicionais, da paz e da família. Todos os indivíduos terão as mesmas oportunidades no acesso à educação de qualidade, que lhes permitam par ticipar no processo de desenvolvimento económico, social e político, assegurando a equidade social e a unidade timorense (PEDN: 2011, p.16).

Iha ne’bé ha’u tau bold ne’e hatudu katak hosi vizaun edukasaun ne’e iha ona hanoin atu Timoroan hotu bele hetan edukasaun demokrátika ka inkluziva maibe difisil tanba seidauk aplika teoria ne’ebé atan ha’u temi iha leten. Teoria ne’e bele aplika iha eskola? Bele tebes no ida-ne’e presiza tebes atu hala’o. Atividade sira-ne’e la’ós hahú depois de prosesu aprendijzeen la’o ne’e difisil. Eskola tenke trasa nia planu ho di’ak atu halo teste ba lunu foun sira-ne’e prepara matéria teste nian sira tuir intelijénsia ne’ebé aprezenta ona. Nune’e atu hahú aula letiva normál, klase sira-ne’ebé fahe tenke tau hamutuk estudante sira-ne’ebé kategorizadu bazea ba teste. Hanesan ne’e de’it mak manorin bele tulun estudante sira hodi dezenvolve sira nia kapasidade intelektuál.  

Iha intelijénsia múltipla (IM) rekoñese ema hotu matenek ka iha intelijénsia maibé iha Intelligence Quotient (IQ) rekoñese de’it ema sira-ne’ebé tama iha Intelijénsia linguístika, intelijénsia lógika-matemátika katak sira mak matenek bainhira sira bele lee, hakerek no ko’alia. Maluk leitor sira! oinsa mak ita bele konjuga área teórika rua ne’e? ita bele konjuga tanba kada intelijénsia presiza mos intelijénsia seluk hodi halo nia kle’an no klaru liután. Hanesan Amstrong (2000) hateten; 

To cook a meal, one must read the recipe (linguistic), possibly divide the recipe in half (logical-mathematical), develop a menu that satisfies all members of a family (interpersonal), and placate one’s own appetite as well (intrapersonal). Similarly, when a child plays a game of kickball, he needs bodily-kinesthetic intelligence (to run, kick, and catch), spatial intelligence (to orient himself to the playing field and to anticipate the trajectories of flying balls), and linguistic and interpersonal intelligences (to successfully argue a point during a dispute in the game  (p.9)

Hanesan manorin ida mak nia konsege lori alunu sira deskobre nia intelijénsia rasik ne’e hatudu katak Manorin ne’e vale a pena iha nia knar murak ne’e. Nune’e manorin sira tenke hariku-aan ho aprosimasaun ba estudante sira. Manorin tenke forma kondisaun atu alunu sira bele expose sira-nia kapasidade. Maibé manorin ba eskola mak hanesan liurai no alunu sira ta’uk tan entaun konserteza manorin mós sei la deskobre alunu sira nia kapasidade. Bainhira alunu ida nia valor tun, manorin ne’e nia iha dever étika no morál husu nia konsiénsia rasik atu bele buka tuir hodi deskobre tanbasá alunu/a ne’e valór tun no valór boot hotu, no labele haree liu sira-ne’e ka la interese ba sira tanba Armstrong (2000) hateten katak a person’s “weak” intelligence may turn out to be a “strong intelligence” if he or she is given a chance to develop it.

Ikus liu, atan ha’u hakarak konklui katak ema hotu-hotu iha intelijénsia maske presiza atu tulun hirak ne’ebé prezija tulun. Edukasaun sai fatór importante no haree ba Estadu foun hanesan Timor-Leste ne’e edukasaun tenke sai fatór importante ida maibé hirak ne’e iha ema boot sira-nia liman. Manorin sira tenke sai matadalan hodi deskobre intelijénsia alunu sira-nian katak manorin sirapne’e domina abilidade pedagójika hodi tulun estudante sira tuir intelijénsia bázika ne’ebé sira iha ona. Tamba manorin sira la bele haruka alunu sira atu halo buat ne’ebé naturalmente no istórikamente sira la bele no difisil atu halo. Ha’u sita ezemplu ne’ebé Albert Einstein dehan katak ita la bele hanorin “Ikan atu sa’e ba ai leten se lae ikan sa’e la di’ak no ikus mai ita julga fali ikan dehan nia beik”. Nune’e, la bele dehan katak IQ test ne’e sai ona hanesan prova únika ba intelijénsia ema-nian. Manorin ne’ebé di’ak ne’e, tenke hanorin ikan ida oinsá atu sai nani-na’in ida ne’ebé profisionál.

Dalan di’ak ida atu dezenvolve alunu sira-nia kapasidade hanesan Tele (2000) dehan manorin tenke deskobre alunu ne’e nia kapasidade aas-liu mak ida-ne’ebé no fraku-liu mak ida ne’ebé, atu nune’e sira bele transfere ka tradús fali intelijénsia ida-ne’ebé forte ne’e, ba fali intelijénsia ne’ebé fraka (p.60). Maibé molok tama ida-ne’e nesesáriu tebes atu manorin sira domina intelijénsia tuir Gardner nia teoria, atu nune’e fásil deskobre alunu sira-nia abilidade. Se sira hatene ona sira-nia pontu forte no frakeza, entaun manorin tenke kondisiona de’it konsidadun ho atividade akadémika sira atu alunu sira dezenvolve rasik tuir sira-nia natureza. Só hanesan ne’e de’it mak ita bele garante edukasaun kualifikada. 

*) Hakerek na’in nu’udar Estudante husi departamentu filozofia ISFIT Fatumeta Dili

1 KOMENTÁRIU

HAKEREK NO HATÁN

Please enter your comment!
Please enter your name here