Bee-moos. Imajen/Espesiál

DILI, 18 fevereiru 2021 (TATOLI)—Prezidente Konsellu Administrasaun Bee Timor-Leste, Empreza Públika (BTL,E.P), Carlos Peloi dos Reis, husu ba komunidade bainhira hetan funsionáriu ne’ebé kobra osan dada bee-moos, bele hato’o keixa.

Tuir dirijente ne’e, BTL rasik iha regulamentu interna hodi regula funsionáriu sira karik komete hahalok ladún di’ak durante hala’o knaar.

“Ami husu komunidade, karik haree funsionáriu BTL bainhira tun ba terrenu husu kobransa sein karta ruma ho autorizasaun hosi jestór sira, komunidade iha dereitu hato’o keixa mai iha BTL, ami-nia odomatan sempre loke, importante aprezenta faktu,” Prezidente BTL,E.P hateten hafoin hasoru malu ho Primeiru-Ministru, Taur Matan Ruak, iha Palásiu Governu, kinta ne’e.

Nia rekoñese, durante ne’e rona informasaun balun katak funsionáriu empreza estatál ne’e kobra osan hosi kumunidade, maibé bainhira ba hato’o keixa, laiha evidénsia ruma atu justifika.

Carlos Peloi dehan, BTL laiha polítika ida atu kobre osan sein iha orientasaun, tanba ne’e bainhira iha funsionáriu ruma halo kobransa sei iha sansaun.

“Ami-nia regra interna ne’ebé prepara daudaun, kuandu ema ruma komete erru sira ne’e bele hasai hosi serbisu, tanba hahalok kobra komunidade ne’e aktu ida todan,” nia akresenta.

Jornalista: Antónia Gusmão

Editora: Julia Chatarina

1 KOMENTÁRIU

  1. nudar,Timor oan laran triste tanba atende bee moos dei’t mos prezisa tempu naruk,..triste liu tan atu dada bee moos ba komunidade nia uma mos tama hotu plano 2030..que pena..ema hakarak konsume bee ohin noa aban hein to’o tinan..kuitado..la-hatene servisu la-bele sai Autoriedade..

HAKEREK NO HATÁN

Please enter your comment!
Please enter your name here