Sekretáriu Estadu Formasaun Profisionál no Empregu, Alarico de Rosário, hamutuk ho Dirijente SEFOPE inklui família, simu mate-isin Tomas Pereira, iha Aeroportu Comoro, tersa (16/02). Imajen/Mídia SEFOPE

DILI, 16 fevereiru 2021 (TATOLI)—Mate-isin traballadór timor-oan, Tomas Pereira to’o ona iha Aeroportu Internasionál Prezidente Nicolau Lobato, Comoro, Dili, iha dadeer ne’e, ho aviaun Airnort.

Mate-isin simu direta hosi Sekretáriu Estadu Formasaun Profisionál no Empregu (SEFOPE), Alarico de Rosário, hamutuk ho Diretór Jerál no Diretór Nasonál balun, inklui família matebian.

Iha biban ne’e, SEFOPE entrega mate-isin ba ninia família hodi halo prosesu funerál tuir tradisaun Timór nian.

Tomas Pereira ho idade 25 hosi munisípiu Bobonaro (hela iha Dili), hakotu iis tanba asidente ho karreta, iha domingu (10/01) dadeer iha Tasmánia, Austrália.

Notísia relevante: Traballadór timor-oan ida hakotu iis iha Austrália tanba asidente karreta

Traballadór ne’e hosi Seasonal Worker Programme (SWP) tinan 2019 ne’ebé organiza hosi SEFOPE no serbisu iha kompañia Tasmanian Berries.

Sekretáriu Estadu Alarico do Rosário hateten, prosesu lori matebian Tomas Pereira mai Timor-Leste han tempu naruk, fulan-ida resin tanba ho situasaun COVID-19 laiha transporte atu bele transporta mate-isin lalais.

“Matebian iha domingu dadeer hetan dezastre tanba lori kareta ladún kontrola velosidade, tanba ne’e sai karreta sai hosi estrada laran no matebian monu sai hosi karreta,” haktuir governante ne’e, iha nota ne’ebé Agência TATOLI asesu, tersa ne’e.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here