Saudoza Domingas Álvares Fernandes. Imajen/Espesiál.

DILI, 16 fevereiru 2021 (TATOLI)–Deputada hosi Bankada Frente Revolusionária Timor-Leste Independente (FRETILIN), Josefa Álvares Pereira, propoin ba plenária atu aprova votu pezár ba saudoza Domingas Álvares Fernandes tanba fó kontribuisaun boot tebes ba luta povu Maubere nian.

Notísia Relevante: Domingas Álvares Fernandes hakotu iis

Saudoza Domingas Álvares Fernandes. Imajen/Espesiál.

“Ita hatene katak saudoza ne’e kontribui maka’as ba ita-nia luta rezisténsia no nia mós prezu hosi Komando Distrik Militer (KODIM) Lospalos, até nia lakon bebé ida iha nia knotak tanba xoke ho elétrika hosi inimigu iha momentu ne’ebá. Tanba ne’e, ha’u husu sé bele Parlamentu Nasionál konsidera ha’u-nia deklarasaun ne’e,” Deputada Josefa Pereira, informa liuhosi plenária iha Parlamentu Nasionál, tersa ne’e.

Razaun Deputada propoin proposta ne’e tanba saudoza nia kontribuisaun kona-ba rezisténsia boot tebes.

Hatán ba proposta ne’e, Prezidente Parlamentu Ein-Ezersísiu, Deputada Maria Angelina Lopes Sarmento, sei enkamiña ba konferénsia líder bankada parlamentár semana ida-ne’e.

“Nune’e, hanoin halo votu pezár no Parlamentu Nasionál sei delega ekipa ida ba Mehara hodi hato’o ita-nia sentida kondolénsia ba família en-lutada,” nia hateten.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here