DILI, 12 fevereiru 2021 (TATOLI)-Durante janeiru, tinan ne’e, Tribunál Distritál Dili (TDD) liuhosi julgamentu movel atende ka julga kazu hamutuk 17 iha Munisípiu Ermera.
Notísia Relevante : Julgamentu movel iha Liquiça atende kazu 48
“Julgamentu movel iha 2021 durante janeiru, ita hala’o iha Munisípiu Ermera ne’ebé julga kazu hamutuk 17 no julgamentu movel ne’e nu’udar atividade ne’ebé antes ne’e la’o ona no ita kontinua nafatin atu redús liután kazu pendente no lori asesu justisa besik ba povu,” Administradór TDD, Afonso Carmona, informa ba Agência TATOLI iha nia kna’ar fatin, Dili, kinta (11/02).
Nia hateten, hosi julgamentu ba prosesu 17 ne’e ho tipu krime barak liu mak violénsia doméstika (nu’udar krime natureza semi-públiku) no arma branka ho nia rezultadu ba kazu 14 iha kedas desizaun no kazu tolu mak adia tanba parte sira la marka prezensa.
Jornalista : Nelson de Sousa
Editór : Francisco Simões
