membru Conselho de IMprena simu pose. Imajen/Media CI.

DILI, 12 fevereiru 2021 (TATOLI)–Prezidente Conselho de Imprensa (CI), Virgílio da Silva Guterres hataten iha futuru CI sei servisu hamutuk ho Comição Anti Corupsaun (CAC), Providoria dos Direito Humano e Justiça (PDHJ) no Centro Nasionál Chega (CNC) hodi haree liu ba direitu umanu.

Notísia Relevante: CI sei apoiu AJTL-TLPU atu kapasita jornalista sira

“Ba oin CI, iha plataforma komunikasaun ruma ne’ebé atu haree ba direitu umanu. Tanba ne’e ita sei halo kooperasaun ho CAC, PDHJ, CNC, iha nivél fahe esperiénsia hamutuk atu hare ba direitu umanu,” Virgílio da Silva Guterres hateten ba Agência TATOLI iha Salaun CI, Quintál-Boot, Dili, sesta ne’e.

Nia hatutan, objetivu Conselho de Imprensa halo kooperasaun ho órgaun hirak ne’e tanba órgaun sira-ne’e ninian konsentrasaun atividade ne’e ko’alia kona-ba direitu umanu.

Nia dehan, Conselho de Imprensa ko’alia kona-ba direitu oinsá jornalista atu  hetan informasaun loloos no direitu atu hetan asesu informasaun no liberdade jornalista sira-nian atu hala’o servisu.

Ba Comissão Antí Corrupção (CAC), nia dehan,  ko’alia kona-ba protesaun direitu ema-nian atu nune’e ema labele halo korrupsaun tanba kodrupsaun ameasa ba direitu umanu.

PDHJ ne’e, nia esplika, ko’alia duni kona-ba ba direitu umanu no justisa nian no Centro Nacional Chega (CNC) ko’alia kona-ba istória memória instituisionál, memória  Timor nian ne’ebé ho violasaun direitu umanu.

“CNC esperiénsia meta istória entaun ita lori mai atu CI-CAC-PDHJ uza hodi sai referénsia katak ba oin Timor labele hanesan uluk atu oho malu. Maibé, hahú hametin relasaun sosiál iha diversidade, demokrasia katak partidu no hanoin bele ketak-ketak maibé objetivu ida de’it atu lori moris di’ak ba povu TL,” nia subliña.

Tanba ne’e nia, dehan, esforsu ne’ebé Conselho de Imprensa sei halo mak kontribui ba memória instituisaun Estadu nian, tanba povu no nasaun ida iha memória ne’e mai hosi gravasaun no gravasaun ne’e mai hosi jornalista, komunikasaun, eskritór sira mak grava.

“Ida ne’e ita planu ona no sei implementa iha mandatu daruak nian ne’e,” Virgílio da Silva Guterres hateten.

Jornalista: Osória Marques

Editór: Cancio Ximenes

 

HAKEREK NO HATÁN

Please enter your comment!
Please enter your name here