Ministru Justisa, Manuel Cárceres da Costa. Imajen Tatoli/Egas Cristovão

DILI, 11 fevereiru 2021 (TATOLI)-Ministru Justisa (MJ), Manuel Cárceres da Costa, hateten prosesu atu sertifika sidadaun estranjeiru na’in-168 sai sidadaun Timor iha ona faze verifikasaun finál.

Notísia Relevante : Sidadaun estranjeiru atu hetan nasionalidade Timor tenke halo rekerimentu ba MJ

“Agora iha ona faze verifikasaun  finál, iha semana ne’e ka semana oin, bele halo diploma ministerial  públika iha Jornál Repúblika nune’e bele atribui ona nasionalidade ba sira  por casamento,”  Ministru Justisa Manuel Cárceres, informa ba Agência TATOLI iha nia kna’ar fatin, Caicoli, Dili, kuarta (10/02).

Tuir dadus hosi Servisu Rejistu Notariadu, Ministériu Justisa katak hosi sidadaun estranjeiru na’in-168  kompostu hosi Indonézia na’in -162 (feto 138 no mane 24), Portugál na’in-rua (feto ida no mane ida), Austrália na’in-ida, Pakistaun (ida), Myanmar (ida) ho India na’in-ida.

Jornalista   : Nelson de Sousa

Editór        : Francisco Simões

 

 

1 KOMENTÁRIU

HAKEREK NO HATÁN

Please enter your comment!
Please enter your name here