Formadu ida halo prátika iha Sentru Formasaun Tibar. Imajen TATOLI/António Gonçalves

DILI, 10 fevereiru 2021 (TATOLI)—Diretór Sentru Formasaun Tibar, Simão Tito Bareto, hateten iha tinan 2021 sentru ne’e sei aposta programa prioridade neen.

“Ita iha programa inisiál neen, ne’ebé sai prioridade iha tinan ne’e, ida mak asaun regulár ne’ebé kada tinan ita fó formasaun ba joven sira iha sentru formasaun,” Diretór Simão Tito informa iha edifísiu Sekretaria Estadu Formasaun Profisionál no Empregu (SEFOPE), Caicoli, kuarta ne’e.

Programa daruak mak sentru ne’e sei halo parseria ho indústria sira no seluk maka parseria ho parseiru dezenvolvimentu sira atu fó formasaun espesífiku atu imediata rekruta joven bainhira sira ramata  formasaun iha Tibar.

Notísia relevante: Tinan 2002-2020, Sentru Formasaun Tibar konsege forma joven 5.234

Programa seluk ne’ebé sei foka maka halo programa formasaun emprendorizmu ka inkubadór ba negósiu ninian ba joven sira.

Seluk maka sentru formasaun ne’e sei halo mobile training, ne’ebé envolve antigu alunu, funsionáriu no formandu sira. 

Programa ikus maka atu reforsa institusaun liuhosi fó kapasitasaun ba pesoál sira iha sentru formasaun Tibar, liu-liu ba iha boa governasaun.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here