Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (10/02). Imajen TATOLI/Egas Cristovão

DILI, 10 fevereiru 2021 (TATOLI)–Ezekutivu sira liuhosi reuniaun Konsellu Ministru (KM) halo ona nomeasaun ba administradór munisípiu Aileu, Ainaro no Covalima.

Nomeasaun ne’e bazeia ba projetu rezolusaun Governu ne’ebé mak aprezenta husi Ministru Administrasaun Estatál, Miguel Carvalho no hetan apresiasaun no aprovasaun husi ezekutivu sira.

Bazeia ba proposta rezolusaun Governu, nomea ona Abel da Conceição hanesan Administradór Munisipál Aileu, Leovigildo Amaral Pereira nu’udar Administradór Munisipál Ainaro no Francisco de Andrade hanesan Administradór Munisipál Covalima.

Notísia relevante: Ekipa juri konklui ona prosesu rekutamentu administradór munisípiu tolu

“Sira na’in-tolu sei dezempeña kargu iha rejime komisaun serbisu ba períodu tinan-lima,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu iha Palásiu Governu, kuarta ne’e.

Enkuantu, ba seremónia pose sei hala’o husi Ministériu Administrasaun Estatal (MAE) iha tempu tuir-mai.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here