Sekretáriu Estadu Terras no Propriedades (SETP), Mário Ximenes. Imajen Tatoli/ António Goncalves.

DILI, 10 fevereiru 2021 (TATOLI)-Sekretáriu Estadu Terras no Propriedade (SETP), Mario Ximenes, klarifika Governu iha padraun própriu atu halo kompensasaun ba uma-kain 11 iha Caicoli ne’ebé afetadu ba konstrusaun edifísiu foun Kuartél Jerál Polísia Nasionál Timor-Leste (PNTL).

“Prosesu ne’e atu tama faze final ona no indemnizasaun selu hotu ona, hela uma 11 mak seidauk, maibé Estadu iha ninia padraun própriu no Estadu sei la tuir ida-idak nia hakarak,” Mario Ximenes hateten hodi responde ba Agência TATOLI iha nia knar fatin,  Dili,  kuarta ne’e.

Notísia Relevante : Komunidade uma-kain 11 ho RbR husu indemnizasaun justu

Nia esklarese mekanizmu própriu mak hanesan SETP sei haree rai ninia dokumentu, uma, ai-horis ho sira seluk ninia presu hafoin fó informasaun ba parte PNTL prepara ninia orsamentu hodi halo indemnizasaun. Tanba ne’e kona-ba montante osan ba indemnizasaun ne’e PNTL mak hatene no sei la  selu kompensasaun ne’e tuir komunidade ida-idak nia hakarak.

“Hakarak ka  lakohi tenke sai, maibé la koopera kuandu projetu lao sei hasai obrigatóriu,” Mario Ximenes hateten.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here