TDD. Imajen Tatoli /Dok

DILI, 09 fevereiru 2021 (TATOLI)-Tribunál Distritál Dili (TDD) liuhosi desizaun primeiru interrogatóriu, segunda loraik (08/02), aplika  medida koasaun prizaun preventiva ba arguidu FAB ne’ebé taa  nia  feen  iha sira-nia uma iha area Surikmas, Suku Bairru Pité, Postu Administrativu Don Aleixo, Munisípiu Dili.

Kazu krime tentativa omisídiu agravadu ne’e akontese iha domingu foin lalais ne’e, rezulta vítima D nu’udar arguidu nia feen sofre kanek todan iha inus, liman no kabas.

Notísia Relevante : Kazu la’en taa feen iha Surikmas submete ba Tribunál

Tribunál aplika prizaun preventiva ba arguidu tanba iha indísiu forte  envolvimentu arguidu komete krime tentativa omisídiu agravadu, ne’ebé previstu iha artigu 139, no krime Arma Branka, lei númeru 05/2017.

Tuir informasaun motivu hosi kazu ne’e  arguidu mak halo duni asaun hodi taa nia  feen tanba antes ne’e arguidu  deskonfia nia feen halo amante ho mane seluk no arguidu nia feen lori bee-manas fakar ba arguidu.

Jornalista   : Nelson de Sousa  

Editór        : Francisco Simões

HAKEREK NO HATÁN

Please enter your comment!
Please enter your name here