Sekretáriu Estadu Kooperativa, Elizário Ferreira. Imajen TATOLI/Egas Cristóvão

DILI, 09 fevereiru 2021 (TATOLI)—Sekretaria Estadu Kooperativa (SEKoop) hamutuk ho dirijente kooperativa husi  Federasaun Hanai Malu (FHM), partipa  enkontru internasionál entre Australian Mutuals Foudation (AMF) no Association of Asia Confederation Credit Union (ACCU).

Tuir Sekretáriu Estadu Kooperativa (SECOOP), Elizário Ferreira, objetivu husi reuniaun ne’e atu fó apoiu ba dezenvolvimentu kooperativa sira iha Timor-Leste hodi asegura sustentabilidade no estabilidade kooperativa sira.

“Iha Reuniaun ne’e, ko’alia kona-ba lala’ok kooperativa kréditu uniaun no dezenvolvimentu kooperativa inklui sustentabilidade kooperativa, oinsá atu garantia sustentabilidade,” Sekretáriu Estadu Elizário informa iha edifísiu Akait, Dili, hafaoin enkontru, tersa ne’e.

Governante ne’e konsidera, reunian ne’e importante tanba bele eleva kapasidade no koñesimentu dirijente kooperativa atu dezenvolve kooperativa no haree ba sustentabilidade kooperativa.

Entertantu, enkontru ne’e partisipa husi Diretór Jerál SEKoop, Francisco Xavier, Xefe Gabinete SEKoop, Arlindo Marçal, Prezidente FHM, João Belo ho ninia estrutura, Diretór Nasionál inkui asesór sira.

Jornalista: Natalino Costa

Editora: Julia Chatarina 

HAKEREK NO HATÁN

Please enter your comment!
Please enter your name here