Prezidente Tribunal Rekursu, Deolindo dos Santos. Imajen Tatoli/Antonio Goncalves.

DILI, 09 fevereiru 2021 (TATOLI)- Prezidente Tribunál Rekursu (PTR), Deolindo dos Santos, esklarese katak desizaun hotu ne’ebé tribunál foti bazeia ba faktu.

Prokuradór Jerál Repúblika (PGR), José da Costa Ximenes. Imajen Tatoli/Egas Cristóvão

PTR Deolindo dos Santos, hateten lia hirak ne’e hodi responde deklarasaun Prokuradór Jerál Repúblika (PGR), José Ximenes, ne’ebé diskorda ho desizaun Tribunál Rekursu nian hodi altera medida koasaun ba arguidu sira hosi kompañia Eleite Computer ho Telemor ba kazu fornesimentu rede internet ilegál.

Notísia Relevante : MP la aseita TR altera medida koasaun ba arguidu hosi Elite Computer ho Telemor

 “Tribunál Rekursu altera medida koasaun ba arguidu sira ne’e bazeia ba apresiasaun TR nian ho faktu ne’ebé mak iha,’’ Deolindo dos Santos afirma ba jornalista sira iha Palásiu Prezidensiál, tersa ne’e.

Nia afirma Tribunál la deside bazeia rumoris ka konversa iha li’ur no la bazeia ba esperiénsia ne’ebé akontese tiha ona, maibé bazeia ba lei no auto iha prosesu nia laran ida ne’e mak juis sira hakarak ka lakohi tenke kumpre.

Nia esplika, iha prosesu primeiru interrogatóriu hanesan prosesu inisiál  ne’ebé Ministériu Públiku lori arguidu husu Tribunál atu rona aplika medida koasaun ruma no medida koasaun ne’e hosi Termu Identidade Rezidénsia (TIR) to’o prizaun preventiva.

“Iha primeira instánsia juis na’in-ida mak halo primeiru interrogatóriu hodi rona no apresia elementu sira ne’ebé konsta iha auto ne’ebé bolu indísiu hafoin aplika medida koasaun,” nia hateten.

Deolindo dos Santos, dehan kuandu bainhira iha rekursu ba iha Tribunál Rekursu mínimu juis koletivu ida pedidu  bele mai hosi Ministériu Públiku no arguidu sira nune’e juis na’in-tolu mak halo apresiasaun ba rekursu.

“Iha kondisaun rua de’it kuandu iha elementu sira ne’ebé konsta iha auto maioria akontese laiha razaun atu bele halo renovasaun prova, nune’e juis na’in-tolu deside imediatu no normálmente iha prosesu prinsipál sira TR haree nesesidade atu halo renovasaun prova mak sei halo julgamentu fila-fali,” nia esplika.

Hatán kona-ba iha sujestaun balun atu harii Tribunál Supremu no kria panel iha TR, Deolindo dos Santos, lia-tun dehan, atu harii Tribunál Supremu presiza prepara mós rekursu umanu tanba presiza númeru sufisiente no adekuadu iha kompeténsia atu deside tanba Tribunál Superior sei halo apresiasaun ba desizaun hotu ne’ebé tribunál primeira instánsia.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here