Domingos Maia Barreto, traballadór Timor-oan ne’ebé mate iha Reinu Unidu. Imajen/Espesiál

DILI, 08 fevereiru 2021 (TATOLI) –Traballadór Timor-oan ida ho naran kompletu Domingos Maia Barreto, domingu (07/02), tuku 09:00 dadeer, Oras Reinu Unidu, mate derrepente iha sira-nia hela fatin, nú.32 Henstead Road, Southampton, Reinu Unidu.

Ba Agência TATOLI hosi Reinu Unidu liuhosi mensajen WhatsApp, segunda ne’e, António Simões nu’udar  matebian nia kolega besik informa, Domingos Barreto, hosi Aldeia Aiasa, Suku Aiasa Munisípiu Bobonaro, mate derrepente bainhira nia deskansa hela iha sira-nia rezidénsia (uma ne’ebé sira aluga hodi hela provizóriu para servisu).

Notísia Relevante : Mate-isin na’in-tolu no timor-oan 74 to’o Dili ho Aviaun Citilink

Domingos Maia Barreto, traballadór Timor-oan ne’ebé mate iha Reinu Unidu kaer pasaporte Portuguesa. Imajen/Espesiál

Mate-isin Domingos Barreto, Timor-oan ne’ebé utiliza pasaporte Portuguesa  ho númeru CB337619 ne’e, oras ne’e, sei rai hela iha sira-nia rezidénsia no kolega sira informa ona ba autoridade Polísia ho hospital ne’ebé besik atu halo prosesu tuir kompeténsia autoridade sira-nian hodi hatene loloos kauza hosi Domingos Barreto nia mate.

António Simões informa, matebian nia kolega sira agora iha Reinu Unidu halo esforsu hela kontakta ho Embaixada Timor-Leste iha Reinu Unidu para hafoin lori ba ospitál   bele halo tranzladasaun mai Timor-Leste hodi halo funeral iha nia knua rasik.

Matebian Domingos Barreto, moris iha loron 6 janeiru 1984, ho medida fíziku hanesan, altura 1.48 m. Nia data emisaun  pasaporte Portuguesa nian iha  loron  9 janeiru 2020 no data inválidu pasaporte iha  loron 9 janeiru 2025.

Matebian Domingos ba  Reinu Unidu iha loron 19 fevereiru 2020. Nia  servisu hanesan traballadór iha restorante ida naran Cosmo iha Southampton.

“Ami, nia kolega sira iha Reinu Unidu halo esforsu hotu para kompleta tiha regra saúde Reinu Unidu nian. Ami mós komunika ona ho ita-nia Embaixada Timor-Leste iha Reinu Unidu atu oinsá mak bele ajuda lori mate-isin ba nia rai moris fatin Timor-Leste. Ami espera ita-nia Governu Timor-Leste, liuhosi Ministériu Negósiu Estranjeiru no Kooperasaun (MNEK) bele ajuda fasilita prosesu atu lori mate-isin ba família sira iha Timor,” informa António Simões.

Jornalista     : Nelson de Sousa

Editór            : Francisco Simões

PUBLISIDADEiklan

2 KOMENTÁRIU

Leave a Reply to Gilberto Alves Cancel reply

Please enter your comment!
Please enter your name here