Ilustrasaun saláriu decimo terceiro. Imajen/Espesiál

DILI, 05 fevereiru 2021 (TATOLI)Diretora Jerál Tezouru, Ministériu Finansa (MF), Regina de Jesus da Sousa, informa saláriu décimo terceiro (gaji 13) ba Polísia Nasionál Timor-Leste (PNTL) selu ona liuhosi sistema payroll.

“Ha’u atu klarifika iha ne’e katak décimo terceiro ba PNTL selu hotu ona,” Diretór Jerál Tezouru, hateten liuhosi konférensia impresa iha salaun MF, Aitarak-laran, , sesta ne’e.

Notísia relevante: Husi funsionáriu 43.351, falta 144 maka seidauk simu saláriu janeiru

Diretóra hato’o kestaun ne’e hodi responde preokupasaun Komandu Jerál PNTL katak membru balun seidauk simu saláriu décimo terceiro iha dezembru.

Tuir dekretu-lei númeru 63/2020, 10 dezembru 2020, saláriu décimo terceiro ne’e selu de’it saláriu báziku, esklui subsídiu alimentasaun no transporte.

“Ami atu prosesa membru PNTL nia saláriu ne’e ho baze ba saláriu báziku, aliende ne’e subsídiu hanesan alimentasaun no transporte ne’ebé tuir dekretu-lei subsídiu sira ne’e la inklui, tanba ne’e sira simu ona maibé dehan la to’o,” nia akresenta.

Antes ne’e, Komandante Jerál Polisi Nasionál Timor-Leste (PNTL) Komisáriu Polisia, Faustino da Costa, dehan saláriu décimo terceiro no sálariu ba fulan janeiru balun simu ona no balun sei kontinua prosesa.

Dadaun ne’e, Komisáriu Faustino dehan parte administrasaun finansa PNTL rezolve hela situasaun ne’e.

Jornalista: Florêncio Miranda Ximenes

Editora: Julia Chatarina

HAKEREK NO HATÁN

Please enter your comment!
Please enter your name here