Komandante Jerál PNTL,, Komísariu Faustino da Costa. Imajen TATOLI/Egas Cristovão

DILI, 04 fevereiru 2021 (TATOLI)- Komandante Jerál Polísia Nasionál Timor-Leste (PNTL) Komisáriu Faustino da Costa, kinta ne’e, aprezenta relatóriu servisu PNTL nian ba Presidente Repúblika Francisco Guterres “Lú Olo” kona-ba medida rigorozu atu kriminaliza abitante sira ne’ebé koko tama ilegál hosi Atambua Indonézia mai Timor-Leste.

“Ami aprezenta implementasaun Estadu Emerjénsia ne’ebé PNTL nia esforsu atu asegura ita-nia komunidade no evita propagasaun COVID-19,” Komisáriu Faustino da Costa, informa ba jornalista sira iha Palásiu Prezidensiál, Dili.

Komandu PNTL mós kontinua harii postu no reforsa seguransa iha fronteira tasi Atauro no Oe-Cusse no tau matan ba kondisaun membru sira iha liña fronteira.

Notísia Relevante : PNTL kriminaliza abitante haku’ur ilegál mai territóriu TL

Kona-ba membru PNTL balun ne’ebé seidauk simu saláriu désimu terseiru ba fulan dezembru nian, Komisáriu Faustino da Costa, dehan parte administrasaun finansas PNTL rezolve hela situasaun ne’e.

Nia hatutan, saláriu ba fulan Janeiru ba membru polísia balun mós simu ona no balun sei kontinua prosesa no tempu besik bele simu ona.

 Jornalista  : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here