Jogadór-sira Sporting Clubo de Timor (SCT) ho ksolok bainhira manan Academica 6-0. Imajen Tatoli/António Gonçalves

DILI, 03 fevreiru 2021 (TATOLI) – Treinadór Sporting Clubo de Timor, Moisés da Silva, hateten daudaun ne’e Sporting seidauk iha preparasaun ba Liga Futeból Timor-Leste (LFTL) tanba jerente klube seidauk fó informasaun.

“Agora Sporting seidauk treinu másimu tanba sei hein hela hosi dirasaun klube nia orientasaun,” Moisés da Silva, informa ba Agência TATOLI iha Federasaun Futeból Timor-Leste (FFTL), kuarta ne’e.

Nia dehan, haree ba jogu playoff besik daudaun ona hakarak lakohi iha semana ne’e nia laran tenke halo ona treinamentu nune’e bele hasoru jogu ne’ebé mai ho másimu.

Nia hatutan, klube hotu iha intensaun atu joga hodi buka kampiaun no liuliu segunda divizaun buka atu ultrapasa ba primeira divizaun.

“Klube hotu iha mehi ne’ebé boot hakarak kampiaun no hakat ba primeira divizaun. Ami nian iha jogadór parte avansadu Marito dos Santos no defeza sentrál Diego mak asina ona kontratu ho Ponta Leste, maibé laiha buat ida,”  nia hateten.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here