DILI, 03 fevereiru 2021 (TATOLI) – Sai hanesan esperansa boot bainhira Selesaun Nasional Timor-Leste kompete iha kampiaun internasionál sira.

Esperansa ida ne’e mós hanesan orgullu boot ba jogadór sira ne’ebé hetan fiar no hetan oportunidade hodi reprezenta Timor-Leste ba joga iha kampiaun internasionál sira ne’e.

Hosi jogadór lubun ne’ebé selesionadu hosi Federasaun Futeból Timor-Leste (FFTL) ba ekipa Lafaek,  Henrique Wilson da Cruz Martins (10) mós hetan oportunidade tanba nia talentu no nia abilidade oinsá kedok bola iha kampu-laran.

“Ha’u kontente bele involve an iha mundu futebolista. Ha’u bele sai joven ida ne’ebé responsabilidade ba ha’u nia nasaun. Liu hosi talentu ne’ebé ha’u ho kolega sira iha bele reprezenta ona Timor-Leste iha mundu internasionál liuhosi jogu futeból,” Henrique Wilson da Cruz Martins ne’ebé koñesidu liu ho naran Ricky hateten bainhira dada-lia ho Agência TATOLI iha nia hela fatin, Delta I, Dili, kuarta ne’e.

Ricky moris iha Dili, 06 dezembru 1997, oan hosi Francisco da Cruz no Domingas Eugenia R. Martins.

Ricky involve iha mundu futeból iha  2011 bainhira joga iha klube  FC São José nu’udar klube ne’ebé nia hahú nia kareira.

Karreira  Ricky

2011 – AFC  U- 16 reprezenta Timor-Leste joga iha Korea Súl

2012 – AFC U- 21  reprezenta Timor-Leste joga iha Palembang, Indonézia

2012 – President cup & Timor cup  iha  Kupang-Timor Osidental

2013 – AFF U-19 reprezenta Timor-Leste joga iha Surabaya, Indonézia

2014 – Hassanal Bolkiah trophy  reprezenta Timor – Leste joga iha Brunei Darussalam

2015 – Hamutuk ho klube DIT FC hodi joga iha Liga Futeból Amadora (LFA)

2015 – SEA GAMES  reprezenta Timor-Leste joga iha Singapura

2015 – Hanesan jogadór senior selesaun nasionál partisipa iha Kualifikasaun kopa mundiál

2016 – Hanesan jogadór senior hodi partisipa joga kualifikasaun kopa mundiál ne’ebé hala’o iha Malázia

2016- Qualification AFF Suzuki cup reprezenta Timor – Leste joga iha Cambodia

2016- University games reprezenta Timor – Leste joga iha Singapura

2016 – Charity match reprezenta Timor – Leste joga iha Malaysia

2017- Muda hosi klube DIT ba Carsae FC hodi joga iha LFA

2017- AFC  U-21 reprezenta Timor – Leste joga iha Vietnam

2017- SEA GAMES reprezenta Timor – Leste joga iha Malázia

2017- Charity match reprezenta Timor – Leste joga iha Xina

2018- Bainhira Carsae troka naran ba Boavista klube nafatin tau konfiansa ba Rocky hodi joga nafatin iha Boavista to’o ohin loron

2018- Hassanal Bolkiah Trophy reprezenta Timor – Leste joga iha Brunei Darussalam

2018- Qualification AFF AFF Suzuki cup reprezenta Timor – Leste joga iha Malázia/ Brunei

2018- ASEAN GAMES reprezenta Timor – Leste joga iha Indonézia

2018- AFF SUZUKI CUP GRUP STAGE

2019- Joga hamutuk ho klube Boavista FC Timor

2019- SEA Games reprezenta Timor – Leste joga iha Filipina

2020-  Hamutuk ho Boavista hodi joga iha kopa FFTL

Prestasaun

2018- score 2 goal and Timor leste Qualifying to Group Stages AFF suzuki cup after 14 years.

2018- konsege lori klube Boavista FC Timor kampiaun dala uluk LFA no super tasa no sai hanesan jogadór mellor markadór ho golu 10.

“Iha 2018 bainhira ha’u konsege lori Timor sai primeiru lugar iha eventu Hassanal Bolkiah liuhosi golu úniku ne’ebé ha’u hatama kontra Cambodia fila mai ami simu $1.000 hosi SEJD,” Ricky hateten.

Hanesan foin-sa’e no fini nasaun nian, Ricky sente kontente bele kontribui ona ba dezenvolvimentu futeból iha Timor – Leste.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here