TDD. Imajen Tatoli /Dok

DILI,  03 fevereiru 2021 (TATOLI) – Ministériu Públiku (MP) liuhosi prokuradór, Hernani Rangel, husu Tribunál Distritál Dili (TDD) atu aplika multa ba arguidu ho inisiál LB tanba komete kazu kontra sinál tránzitu.

Tuir nia kronolojia ne’ebé MP  aprezenta ba Tribunál katak,   iha 30 maiu 2020, tuku 20:30 Otl, testemuña Marcus Sufa nu’udar membru PNTL hosi unidade tránzitu ezerse hela nia funsaun iha estrada boot  iha Otél Colmera nia oin derrepente arguidu kondús nia veíkulu auto movel kór kinur ho marka Honda xapa matrikula 14 505 TL sirkula iha estrada públiku mai hosi dirasaun EDTL mai Colmera.

Testemuña husu arguidu atu para maibé la konsege para arguidu kontinua halai ba to’o iha kruzamentu hodi fila karreta ba iha edifísiu partidu PD nian oin.

MP akuza arguidu ba krime númeru 1 iha artigu 209 hosi kódigu penal kondusaun perigozu.

Parte defeza nia haree iha faze produsaun prova  deklarasaun arguidu, testemuña la dun prienxe rekizitu esensiál tuir artigu 209 númeru 1 kódigu penal. Tanba ne’e parte defeza husu tribunál atu aplika sansaun administrativa pena multa ba arguidu.

Rona tiha argumentu sira ne’e, Juiza prosesu Ercilia de Jesus, adia fila-fali julgamentu ba loron 19  fevereiru, tinan ne’e, hodi rona desizaun.

Jornalista   : Nelson de Sousa

Editór        : Francisco Simões

 

PUBLISIDADEiklan

HAKEREK NO HATÁN

Please enter your comment!
Please enter your name here