Membru Governu-sira hamutuk ho dirijente hosi ministériu implementadór distribui Cesta Bázika iha Aldeia Palaka, kinta (05/11). Imajen Tatoli/Natalino Costa.

DILI, 03 fevereiru 2021 (TATOLI)–Governu liuhusi Ministériu Finansa (MF) sei halo pagamentu ba sira-ne’ebé fornese ai-haan cesta bázika ba komunidade iha territóriu nasionál.

Notísia Relevante: MKAE husu kompañia fornesedór Cesta Bázika submete dokumentu prosesa pagamentu

“Ha’u hanoin Konsellu Ministru iha semana kotuk halo ona deliberasaun ida, atu selu kompañia ne’ebé to’o agora distribui hela cesta bázika ba komunidade iha territóriu nasionál,” Vise-Ministru Finansa, Sara Lobo Brites, informa ba jornalista sira iha resintu Parlamentu Nasionál, kuarta ne’e.

Vise MF ne’e hateten, pagamentu ba kompañia fornesedór sira sei bazea ba kontratu. Maibé, nia dehan, Governu sei presiza tempu atu halo prosesu sira-ne’e.

“Distribuisaun ne’e sei la’o to’o fevereiru entaun maske atrazu uitoan maibé Governu sei selu,” nia dehan.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here