Embaixadór Japaun iha Timor-Leste Kinufuchi Masami, hasoru malu ho Prezidente Parlamentu Nasionál, Deputadu Aniceto Longuinhos Guterres Lopes no Vise-Prezidente Parlamentu Parlamentu Nasionál, Deputada Maria Angelina Lopes Sarmento, hodi ko'alia kona-ba futuru kooperasau. Imajen/Relasaun Públika PN.

DILI, 03 fevereiru 2021 (TATOLI)–Embaixadór Japaun iha Timor-Leste, Kinufuchi Masami, hasoru malu ho Prezidente Parlamentu Nasionál, Deputadu Aniceto Longuinhos Guterres Lopes, diskute futuru kooperasaun entre parlamentu rai rua.

“Ohin, hanesan apenas ko’alia kona-ba kooperasaun bilaterál entre nasaun rua nian, hodi haree asisténsia kooperasaun ne’ebé mak hala’o iha pasadu, haree mós ba futuru kona-ba asisténsia ka programa ruma ne’ebé mak sei esplora entre rai rua nian,” Embaixadór Japaun iha Timor-Leste, Kinufuchi Masami, informa ba jornalista sira iha PN, kuarta ne’e.

Kinufuchi Masami dehan, runiaun ida-ne’e ho objetivu atu haree kona-ba kooperasaun bilaterál entre parlamentu Timor-Leste no Japaun.

“Ne’e mak ita haree posibilidade parséria hodi dezenvolve parlamentu rai rua nian. Ohin, ami ko’alia kona-ba oinsá kooperasaun sira-ne’e esplora liután grupu amizade tanba iha kompromisu atu halo espansaun ba iha kooperasaun iha futuru,” nia dehan.

Nune’e mós, nia dehan, iha Japaun estabelese ona grupu própria ba amizade parlamentár.

“Hosi parlamentu Timor-Leste nian hanoin atu halo espansaun ka habelar liután programa ho Japaun tanba ne’ebé embaixadór sei transmite fali informasaun sira-ne’ebé ohin ne’e ba fali iha Tokyo hodi bele haree ninia resposta iha futuru,” nia hateten. 

Nia hatutan, reuniaun enkontru dahuluk entre Embaixadór Kinufuchi Masami ho Prezidente Parlamentu Nasionál Aniceto Longuinhos Guterres Lopes, hodi diskute kooperasaun ne’ebé sei realiza iha futuru.

Embaixadór Kinufuchi Masami, fó-sai katak sei iha tán reuniaun iha futuru hodi haree kooperasaun iha ámbitu atividade parlamentár entre rai rua nian.

Iha diskusaun ne’e, Prezidente Parlamentu Nasionál agradese ba povu Japaun tanba grupu amizade parlamentu rai rua nian durante ne’e buras tebes.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here