Diretora Ezekutiva Forum Komunikasaun Feto Timor Lorosa'e (FOKUPERS), Maria Fátima Perreira Guterres

DILI, 02 fevereiru 2021 (TATOLI)—Diretora Ezekutiva Forum Komunikasaun Feto Timor Lorosa’e (FOKUPERS), Maria Fátima Perreira Guterres, hateten durante tinan 2020 nia-laran ne’e FOKUPERS rejistu kazu violénsia hamutuk 305.

Notísia Relevante: Limitasaun hosi ambiente ruma mak hamosu “Labarik Dalan Ninin”

“Iha tinan 2020, ami rejistu kazu violénsia hamutuk 305. Hosi kazu ne’e, inklui ho labarik sira iha dalan ninin,” Maria Fátima Pereira Guterres hateten ba Agência TATOLI iha nia knaar fatin, Faról, Dili, tersa ne’e.

Nia informa, tipu kazu iha oioin hanesan violénsia doméstika ne’ebé boot liu hamutuk 109, violénsia doméstika ba labarik iha kazu neen (6), abandona hosi laen kazu 78, abandona hosi namoradu iha kazu 17), violénsia seksuál ba ema boot iha kazu 13), violénsia seksuál hasoru labarik iha kazu 22, koasaun seksuál ka tentativa halo seksuál iha tolu (3), abuzu seksuál ba labarik iha 19, insestu iha kazu 10, violénsia públiku ka la’ós agresaun fíziku ba labarik iha kazu lima (5), violénsia públiku ka la’ós agresaun fíziku ba ema boot iha 11, omisidiu-oho-amesa oho iha rua (2), trafiking iha ida (1), hadau malu oan iha kazu haat (4), infantisidu iha rua (2), difamasasaun no ameasa viziñu iha rua (2) no estraga sasán ida (1).

Hosi kazu hirak iha leten ne’e, nia dehan, kliente rasik mak mai mesak ne’e hamutuk 69, hosi membru ka uma mahon FOKUPERS iha tolu (3), família kliente iha 37, polísia Unidade Pesoas Vulneráveis (VPU)/komunidade/eskudra polísia Polísia Nasionál Servisu Investigasaun Kriminál (PNSIK) iha 44, Pradet iha 97, Ofisiál Ministériu Públiku, Defensoria no Tribunál iha hitu (7).

Nia hatutan, Ministériu Solidaridade Sosiál no Inkluzaun iha rua (2), Rede refeál sira, Yayasan Hak, Organizasaun Internasionál Oxfam, Uma Paz Baucau,  Fórum Comunicação Juventude (FCJ), Fundasaun Ázia (TAF), Uniaun Ema ho Defisiénsia Matan (ETBU), Asosiasaun Chega ba Ita (ACbit), Komisaun Nasionál Direitu Labarik (KNDL).

Sekretária Estadu Igualdade no Inkluzaun (SEII) no Programa Monitorizasaun Sistema Judisiál (JSMP) iha 11, Asistensia Legal ba Feto no Labarik (ALFELA) iha 13, hosi lier komunitária haat (4), Madre, Professora no estudante iha rua (2), Mídia no funsioáriu públiku, LELY, kolega no taxi iha hitu (7), Rede Feto, Caucus, ALola Yayasan Hak iha ualu (8), ospitál, klínika Motael, bombeiru iha ida (1).

Entretantu Staff Asisténsia Vítima iha Fokupers, Judit Ribeiro, hatutan kazu hirak ne’e balun rejistu ona iha polísia hamutuk 104, iha Ministériu Públiku hamutuk 76, iha Defensor públiku hamutuk 31, iha Tribunál ka final hamutuk 10, halo konsultasaun ka trata dokumentu hamutuk 55, família rezolve hamutuk kazu tolu (3), liuhosi midiasaun sivil iha 11, vítima lakohi prosesu kazu ka laiha informasuan hamutuk 15.

Jornalista: Osória Marques

Editór: Cancio Ximenes

HAKEREK NO HATÁN

Please enter your comment!
Please enter your name here