TDD. Imajen Tatoli /Dok

DILI, 01 fevereiru 2021 (TATOLI)-Tribunál Distritál Dili (TDD), segunda ne’e, liuhosi desizaun koletivu juis kondena pena prizaun tinan ida (1) no suspende ba tinan ida (1) ba arguidu Alberto  da Costa Braz nu’udar eis diretór eskola 4 Setembru, Dili.

Juis titulár, Ivan Suritai, hateten Tribunál halo alterasaun ba krime pekulatu ne’ebé previstu 295 númeru 1 hodi kondena arguidu ho pena prizaun tinan ida  (1) suspende ba tinan ida (1)  ho obrigasaun durante tinan ida  ba arguidu atu selu fila-fali indemnizasaun ho montante $1,235-resin ba fali Estadu.

Notísia Relevante : Deskonfia, eis diretór eskola 4 Setembru komete krime pekulatu

Tribunál mós kondena arguidu  ho  krime pekulatu ne’ebé previstu iha artigu 295 númeru 2 hodi aplika pena multa $80.00 ba arguidu, bainhira arguidu la kumpre sei hetan pena prizaun efetivu loron ualu nulu.

“Hafoin Tribunál analiza liuhosi julgamentu sira liubá, deklarasaun arguidu, testemuña, komprova ho relatóriu sira maioria faktu provadu mak hosi krime rua ne’e tanba arguidu uza osan ne’ebé kontribui hosi inan-aman estudante sira nian  ba fin interese no arguidu fó empréstimu fila-fali osan sira ne’ebé kontribui hosi inan-aman ba fali maluk professor sira,” Juis Ivan Suritai  pronunsia iha sala audiénsia Tribunál.

Ho desizaun Tribunál Primeira Instánsia ne’e dentru loron 15 (sura hosi desizaun akórdaun TDD nian) parte defeza la satisfás bele halo rekursu.

Jornalista   : Nelson de Sousa  

Editór        : Francisco Simões

 

HAKEREK NO HATÁN

Please enter your comment!
Please enter your name here