Suspeitu joven mane kondúz motór marka Vario, koor kinur, soke labarik feto ida ho nia inan iha área estrada Matadouro, Dili. Imajen/espesiál

DILI, 01 fevereiru 2021 (TATOLI)- Vítima Fatima Freitas da Silva, tinan 6, ne’ebé hetan soke hosi motór iha área Matadouro, Dili, hahú rekupera ona nia saúde hodi fila ba nia uma.

Vítima hetan soke ho motór  hosi suspeitu LJB, tinan 20, iha loron 28 janeiru 2021. “Ohin, ami halo konfirmasaun ho seksaun tránzitu Dili katak, vítima rekupera ona nia saúde hodi fila ba uma, no suspeitu ne’ebé soke vítima ohin sira mai fali hamutuk ho vítima nia inan halo vizita ba haree vítima,” adjuntu komandante PNTL Munisípiu Dili, Superintendente Asistente Euclides Belo, informa ba jornalista iha Komandu PNTL, Dili, segunda ne’e.

Notísia Relevante : Suspeitu soke labarik iha Matadouro entrega an ba polísia

Euclides relata katak asidente tráfegu ne’e rezulta vítima hetan pankada maka’as iha nia hirus matan hodi halo vítima monu latan ba estrada to’o dezmaia no hala’o kedas tratamentu intensivu iha Ospitál Nasionál Guido Valadares (HNGV) to’o alta ohin.

“Ita haree iha vídeo, vítima grave uitoan, maibé ohin alta ona ita agradese alin ne’e bele rekupera nia saúde,” Euclides Belo hateten.

Nia hatutan, atu rezolve problema ne’e, parte PNTL sei hein rezultadu keixa hosi parte família bele rezolve tuir dalan familiar no bele prosesa mós kazu ne’e  tuir lei.

Euclides dehan PNTL rasik apresia, tanba hafoin akontesimentu, suspeitu aprezenta aan kedas ba polísia hamutuk ho motór Honda Vario 125 kinur ne’ebé suspeitu kondús.

Jornalista   : Eugénio Pereira

Editór        : Francisco Simões

 

PUBLISIDADEiklan

HAKEREK NO HATÁN

Please enter your comment!
Please enter your name here