Prezidente Tribunál Rekursu, Deolindo dos Santos. Imajen Tatoli /Egas Cristovão

DILI, 30 janeiru 2021 (TATOLI)-Prezidente Tribunál Rekursu (PTR), Deolindo dos Santos, informa númeru asesór internasionál  ne’ebé Tribunál kontrata hodi fó  apoiu servisu Tribunál  hahú redús ona.

‘’Númeru asesór ne’ebé iha  totalmente diferente ho sira seluk ne’ebé agora iha Tribunál Rekursu iha asesór na’in  ida   ba juis hotu-hotu no  asesór  na’in-ida  nu’udar  inspetór ba juis hotu-hotu  iha territóriu laran no iha asesór juis na’in-rua iha Tribunál primeira instánsia,” Deolindo dos Santos, hateten  ba Agência TATOLI iha Parlamentu Nasionál,  foin lalais ne’e.

Nia hatutan, iha mós asesór ba Tribunál Kámara Konta  na’in-tolu kompostu hosi ida uza orsamentu Estadu mak selu no na’in-rua seluk Uniaun Europeia mak kontrata.

Nia esplika, iha mós asesór internasionál ho ofisiál justisa na’in-rua iha Tribunál Primeira instánsia no Tribunál Rekursu na’in-ida.

“Iha orsamentu 2021  ita kontinua kontrata asesór sira  no ida ne’e la’ós  buat foun ida  ba iha Tribunál Rekursu, maibé númeru asesór la hanesan uluk ona, ezemplu uluk  hanesan kada  Tribunál Distritál sira ida-idak ho nia asesór, maibé agora laiha ho númeru ne’ebé ki’ik,” Deolindo dos Santos hateten.

PTR Deolindo dos Santos, hateten asesór internasionál sira  fó asesória ka akonsella de’it la hanesan ho buat ne’ebé diferente ho uluk lei loke dalan juis asesór internasionál ka’er prosesu maibé  agora labele.

Durante ne’e Tribunál Rekursu, kontrata asesór sira maioria hosi Portugál, Deolindo dos Santos, lia-tun dehan razaun presiza nafatin asesoria la’ós rekursu mak seidauk sufisiente, maibé presiza apoiu nafatin hadi’a no Timoroan prepara an forma gradualmente to’o tempu Timoroan mak sei toma konta tarefa servisu hotu asesoria nian.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here