Embaxadora Malazia iha Timor-Leste, Sarimah Akbar, entrega simbolika máskara ba Vise-Ministru MNEK, Julião da Silva, iha salaun MNEK, Dili, 29 Janeiru 2021. Imajen TATOLI/Antonio Goncalves

DILI, 29 janeiru 2021 (TATOLI) – Governu Malázia apoiu máskara hamutuk rihun 70 mai Timor-Leste hodi prevene pandemia Covid-19.

Liuhosi serimónia entrega apoiu máskara ne’ebé hala’o iha Edifísiu MNEK, sesta ne’e,  Vise-Ministru Negósiu Estranjeiru no Kooperasaun (VMNEK), Julião da Silva, lori governu Timor-Leste nia naran agradese Governu Malázia ne’ebé foin dauluk apoiu Timor-Leste hodi prevene Covid-19.

Embaixadóra Malázia iha Timor-Leste, Sarimah Akbar, atu entrega apoiu máskara ba Vise-Ministru MNEK, Julião da Silva (taka-liman hakru’uk) iha salaun MNEK, Dili, 29 Janeiru 2021. Imajen TATOLI/Antonio Goncalves

Iha fatin hanesan Embaixadóra Malázia iha Timor-Leste, Sarimah Akbar hateten apoiu ne’e fó ba povu Timor-Leste atu prevene an hosi Covid-19 tanba haree ba númeru surtu ne’e agora sa’e maka’as iha mundu.

“Ajuda ne’e fó atu komunidade sira bele uza hodi prevene an nafatin hosi Covid-19,” Embaixadóra Sarimah Akbar hateten.

Defende TL nia adezaun ba ASEAN

Iha biban  ne’e, Embaixadóra Sarimah Akbar hateten Governu Malázia nafatin apoiu no defende Timor-Leste atu adere ba ASEAN.

“Ami apoiu tebes Timor-Leste atu tama ba ASEAN, liuhosi ami nia ajuda oinsá reforsa iha dezenvolve rekursu umanu no seluk tan atu Timor-Leste bele tama duni ba ASEAN,”  nia hateten.

Jornalista       : Hortencio Sanchez

Editór             : Francisco Simões

PUBLISIDADEiklan

HAKEREK NO HATÁN

Please enter your comment!
Please enter your name here