Portavós Komandu Jerál PNTL, Superintendente Xefe, Arnaldo de Araújo. Imajen Tatoli/Eugénio Pereira

DILI, 29 janeiru 2021 (TATOLI)–Portavóz Komandu Jerál PNTL, Superintendente Xefe, Arnaldo de Araújo informa durante loron 24-28 janeiru 2021, akontese asidente fráfegu iha territóriu Timor-Leste rezulta vítima na’in-38 sofre kanek.

“Totál kanek kamaan 32, kanek todan 6, mate laiha. Totál vítima ema-na’in 38,” Arnaldo ba jornalista iha Komandu Jerál PNTL, Dili, sesta ne’e.

PNTL rejista mós insidente hamutuk 30, kazu asaltu 9, kazu baku-malu 5, ameasa-malu 2, arma branka 1, kazu violénsia doméstika 12.

Iha parte seluk, Portavóz PNTL mós rejeita informasaun falsa (hoax) ne’ebé ema lansa iha rede sosiál faceebok kona-ba membru polísia sei halo operasaun pasarevista ba movimentu sidadaun sira tenke lori kartaun ileitorál.

“Informasaun ne’e hoax, tanba PNTL halo nia servisu normál,” nia rejeita.

PNTL sei kontinua halo operasaun kontrola movimentu sidadaun sira bá-mai ho transporte tenke uza máskara, mantein distánsia fizika hodi hadook an hosi COVID-19.

Komandu PNTL mós koloka ona membru hodi servisu hamutuk ho membru F-FDTL reforsa seguransa maka’as iha fronteira terrestre no tasi.

 Jornalista: Eugénio Pereira

Editór: Xisto Freitas

HAKEREK NO HATÁN

Please enter your comment!
Please enter your name here