Embaixadór Portugal iha Timor Leste, José Pedro Machado Vieira. Imajen Tatoli/Egas Cristovão

DILI, 28 janeiru 2021 (TATOLI)-Ministru Justisa (MJ), Manuel Cárceres da Costa, kinta ne’e, hala’o enkontru ho Embaixadór Portugal mai Timor-Leste, José Pedro Machado Vieira, hodi ko’alia servisu kooperasaun iha área justisa.

“Ami mai hato’o inisiativa hodi kontinua apoiu setór  justisa iha Timor-Leste,’’ Embaixadór José Pedro Machado Vieira hateten, hafoin enkontru iha edifísiu Ministériu Justisa, Dili.

Notísia Relevante : Portugal Fó Importansia ba Área Tolu Tulun TL

Portugal iha kompromisu apoiu setór justisa iha Timor-Leste no durante ne’e Portugal mós  fó apoiu liuhosi formadór espesialista  hodi fó formasaun iha sentru formasaun jurídika no judisiáriu ba autór judisiáriu sira.

Ministru Justisa sei halo pedidu ba Governu Portugal  hodi bele kontinua apoiu mai Timor-Leste iha area justisa, liu-liu formasaun lingua portugés no apoiu kontrata  asesór internasionál ba sentru formasaun jurídika no Judisiáriu (SFJJ) no sira seluk.

Antes ne’e mós Embaixadór  Portugal, José Pedro Machado Vieira, hateten sei kontinua fó prioridade  ba área importante tolu, hanesan konsolidasaun Estadu direitu, Governasaun di’ak, edukasaun no kultura.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here