Koordenadór Jerál PFMO, Rui Denis. Imajen Tatoli/Domingos Piedade Freitas

DILI, 28 janeiru 2021 (TATOLI)-PFMO “OSAN POVU NIAN, JERE HO DI’AK” no Tribunál Kámara Konta realiza Diagnóstiku Institusionál no Avaliasaun ba Kompeténsia Interna ba Auditór sira husi Kámara  Konta.

Nota komunikadu ne’ebé  Agência TATOLI asesu hosi mídia PFMO “OSAN POVU NIAN, JERE HO DI’AK”, kinta ne’e, relata katak hahú iha inísiu janeiru 2021 prosesu “Diagnóstiku Institusionál no Avaliasaun ba Kompeténsia Interna” iha Kámara  Kontas, iha ámbitu hosi projetu ba supervizaun finansa públika, PFMO-komponente 2, “OSAN POVU NIAN, JERE HO DI’AK, ko-finansiadu hosi Uniaun Europeia no ko-finansiadu no jere hosi Camões, I.P, ho valór globál Euro millaun 12,6.

Notísia Relevante : PFMO ensera formasaun ba investigadór CAC ho PCIC

Iha reuniaun ba dahuluk atu hahú servisu, halo aliñamentu ba ekipa, aprezentasaun ba ekipa, abordajen metodolojia no kronograma ba atividade sira, mak realiza iha Díli iha loron 22 janeiru, entre reprezentante sira hosi Kámara  Konta, Unidade Implementasaun Camões hosi PFMO no mós empreza espesializadu kontratadu atu realiza serbisu ida ne’e – “MYT Auditoria e Consultoria LDA”, halo parseria ho E&Y (Ernest & Young, Audit & Associados, SROC, S.A.), sai hanesan konsultora auditoria internasionál boot no relevante.

“Prosesu diagnóstiku institusionál no avaliasaun ba kompeténsia interna hosi kámara kontas agrega komponente rua, mak diagnóstiku institusionál prosesu tranzversál diresionadu ba servisu sira hotu no unidade sira hosi kámara  konta no avaliasaun ba kompeténsia interna sira, diresionadu espesífikamente ba xefia sira no ba auditor sira husi kámara  konta, iha prosesu ne’ebé partisipa auditór na’in 30 no bele iha durasaun semana sia,” nota komunikadu   haktuir.

Iha faze dahuluk, sei realiza enkuadramentu institusionál ho karakterizasaun hosi instituisaun no dezempeñu husi servisu sira, mak sei permite identifika oportunidade sira hosi melloria no rekomendasaun sira ba otimizasaun hosi organizasaun no Projetu ko-finansiadu  hosi Uniaun Europeia, ko-finansiadu   no  jere hosi Camões, I.P. OSAN POVU NIAN JERE HO DI’AK

Faze daruak, mak inisia mós fulan ida-ne’e, pretende realiza avaliasaun ba kompeténsia interna sira hosi auditór sira, ho hanoin ba dezenvolvimentu profisionál, inklui elaborasaun ba planu formasaun individuál tuir potensialidade sira no nesesidade dezenvolvimentu husi auditór ida-ida, hanesan mós halo revizaun ba modelu avaliasaun husi sira nia dezempeñu.

Kona-ba PFMO – komponente 2 Uniaun  Europeia no Camões, I.P. asina, iha loron 4 agostu 2017 ba implementasaun komponente 2 hosi “parseria ba melloria prestasaun ba servisu sira husi reforsu ba jestaun no supervizaun ba finansa públika iha Timor-Leste” (PFMO), iha ámbitu konvensaun finansiamentu omónimu selebra entre Uniaun Europeia no repúblika demokrátika Timor-Leste iha marsu tinan hanesan iha abrigu husi 11.º fundu Europeu dezenvolvimentu.

PFMO inklui komponente rua, no komponente 2 dirije ba apoiu no reforsu ba sistema pezu no kontrapezu hosi autór estatál sira no la-estatál sira, ba fortalesimentu partisipasaun hosi entidade nasionál sira iha prosesu tomada de desizaun no supervizaun ba finansa públika, ho vizaun ba melloria prestasaun servisu públiku.

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here