Koordenadór AIFAESA, Abílio Oliveira Sereno. Imajen/Tatoli Egas Cristovão.

DILI, 27 janeiru 2021 (TATOLI)–Koordenadór Jerál Autoridade Inspesaun Fiskalizasaun Ekonomia Sanitária (AIFAESA), Abílio Oliveira Serreno, informa durante tinan 2020, AIFAESA kontrbui reseita hamutuk $79.000 ba kofre Estadu.

“Iha 2020, reseita ne’ebé AIFAESA rekolla hamutuk $79.000. Reseita sira-ne’e mai hosi rezultadu inspesaun sira ne’ebé AIFAESA halo ba loja estasionamentu sira ne’ebé AIFAESA apreende no empreza sira multa,” Abílio ba jornaista sira iha Matadouro, Dili, kuarta ne’e.

Tuir nia, reseita tinan 2020 rasik tún uitoan, la hanesan tinan sira liubá tanba pandemia Covid-19.

Nia hatutan, aleinde ne’e, iha inísiu janeiru 2021, AIFAESA akumula reseita hamutuk $6.000.

Iha fatin hanesan, Prezidente Komisaun D Parlamentu Nasionál (PN) ne’ebé trata asuntu ekonómia  no dezenvolvimentu, Antoninho Bianco hateten nia parte apresia tebes servisu AIFAESA nian tanba bele kontribui reseita ba Estadu ho valór boot.

Jornalista: Natalino Costa

Editór: Xisto Freitas

HAKEREK NO HATÁN

Please enter your comment!
Please enter your name here