Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kuarta (27/01). Imajen TATOLI/Egas Cristovão

DILI, 27 janeiru 2021 (TATOLI)–Governu liuhosi sorumutuk Konsellu Ministru (KM) nomea membru konsellu administrasaun Autoridade Nasionál Eletrísidade, Institutu Públiku (ANE,I.P) no Autoridade Nasionál Bee no Saneamentu, Institutu Públiku (ANAS,I.P).

Nomeasaun ne’e bazeia ba proposta ne’ebé mak aprezenta hosi Ministru Obra Públika, Salvador Eugênio Soares dos Reis Pires.

“Hafoin rona esplikasaun Ministru Obras Públika, konfirma duni katak sira kualifikadu atu ezerse funsaun importante ida-ne’e tanba sira-nia esperiénsia profisionál, nune’e mós sira ninia kualifikasaun akadémiku,” Ministru Prezidénsia Konsellu Ministru, Fidelis Manuel Leite Magalhães, hateten hafoin ramata reuniaun ezekutivu iha Palásiu Governu, kuarta ne’e.

Portavós Governu ne’e afirma, membru hirak ne’e sei asume knaar ba períodu tinan haat, hahú husi tinan 2021.

Membru konsellu administrasaun ANE mak Ruben Jerónimo Freitas, hanesan Prezidente Konsellu Administrasaun, Jaime Godinho Soares, hanesan Vise-Prezidente no Aurora Teresa Carvalho Magno, Junior Raimundo da Cruz no José Maria Xavier, hanesan vogál sira.

Enkuantu, membru konsellu administrasaun ANAS mak Domingos Pinto, hanesan Prezidente konsellu administrasaun, Francisco Xavier Pereira, nu’udár Vise-Prezidente, no  Miguel António Ximenes, Dulce Soares no Eugénio Lemos, hanesan vogál sira.

Jornalista: Antónia Gusmão

Editora: Julia Chatarina

1 KOMENTÁRIU

HAKEREK NO HATÁN

Please enter your comment!
Please enter your name here