Diretór Jerál Autoridade Aduaneira (AA), José António Fátima Abílio. Imajen TATOLI/Egas Cristovão

DILI, 27 janeiru 2021 (TATOLI)–Diretór Jerál Autoridade Aduaneira (AA), José António Fátima Abílio informa, iha outubru tinan kotuk, alfándega konsege halo apreensaun ba karreta 40,  tanba karreta nia dokumentu la kompletu.

Foin daudaun iha outubru tinan kotuk, ami halo apreensaun ba karreta hamutuk 40. Kuandu  karreta sira-ne’e importa tama mai, ami husu sira-nia dokumentu balun kompletu no balun la kompletu,” José António ba Agência Tatoli, iha Palásiu Governu, kuarta ne’e.

Tanba ne’e, nia haktuir, daudaun ne’e kazu ne’e submete ona ba ministériu públiku.

“Kazu sira-ne’e ami submete ona ba iha Ministériu Públiku (MP), hodi hein desizaun. Karik desizaun atu fó fila ka oinsá, ne’e depende ba desizaun de’it,” nia informa.

Nia dehan, atu prevene labele akontese tan, husu ba empreza importadór tenke koopera ho parte autoridade aduaneira,  nune’e bele prevene buat sira-ne’e.

“Ha’u hanoin ita tenke koopera no onesta, atu karreta sira importa mai mak liu tinan produsaun di’akliu lalika ona lori mai,” José António realsa.

Jornalista: Natalino Costa

Editór: Xisto Freitas

HAKEREK NO HATÁN

Please enter your comment!
Please enter your name here