Koordenadór AIFAESA, Abílio Oliveira Sereno. Imajen Tatoli/Egas Cristovão

DILI, 27 janeiru 2021 (TATOLI)–Koordenadór Jerál Autoridade Inspesaun Fiskalizasaun Ekonomia Sanitária (AIFAESA), Abílio Oliveira Serreno, hateten AIFAESA deteta ona kompañia fornesedór Cesta Bázika balun inventa folin sasán.

“Ami rona ona katak balun inventa folin produtu. Ami la’ós ema barak hanesan polísia sira. Ami iha de’it brigada neen kolokadu iha Dili. Entaun, foho ami labele bá atu  kaer ema sira ne’ebé inventa folin sasán,” Abílio ba jornalista sira iha  Matadouro, Dili, kuarta ne’e.

Nia dehan, emprezáriu sira bele hasa’e produtu nia folin maibé labele liu 10%. Kuandu liu ne’e AIFAESA sei obriga selu multa.

“Ha’u husu ba konsumidór sira, ba benefisiáriu hotu, kuandu akontese buat hanesan ne’e mai kedas iha AIFAESA. Labele tau de’it iha facebook,” nia fó hanoin.

Nia hatutan, empreza sira tenke komprende kondisaun populasaun balun ne’ebé presiza duni nesesidade atu hola. Bainhira empreza sira hasa’e presu hosi $0,50 ba $1, ne’e sira laiha kbi’it atu hola.

Jornalista: Natalino Costa

Editór: Xisto Freitas

HAKEREK NO HATÁN

Please enter your comment!
Please enter your name here