Segundu Komandante PNTL, Superintendente Euclides Belo aprezenta suspeitu na’in-rua ho inisiál TDA no ADC ne'ebé envolve kazu "foti subar" motór tolu. Imajen Tatoli/Eugénio Pereira  

DILI, 26 janeiru 2021 (TATOLI)-Tribunál Distritál Dili (TDD) liuhosi primeiru interrogatóriu aplika medida koasaun aprezentasaun periódiku ba arguidu maun-alin ho inisiál TDA no ADC ne’ebé deskonfia envolve iha “lori subar” komunidade nia motór  hamutuk tolu (3) iha área Munisípiu Dili.

Defensór Públiku, Henrique Maris, ne’ebé fó asisténsia legál ba arguidu sira, hateten prosesu ne’e aman hosi arguidu mak aprezenta keixa iha Ministériu Públiku (MP) hodi dun katak arguidu na’in-rua “lori subar ” motór.

Nia dehan, aman hosi arguidu na’in-rua ne’e agora kumpre hela prizaun preventiva iha Becora ne’ebé deskonfia komete krime identifika hanesan ho furtu agravadu.

Iha audiénsia, arguidu na’in rua laiha koñesimentu no sira hatene katak motorizada sira ne’ebé tau iha arguidu sira nia uma (arguidu nia aman nia maluk) mak ba rai hela tanba ne’e  lahatene motorizada ne’e foti hosi ne’ebé.

“Ho fundamentasaun sira ne’e,  foin lalais, Tribunál liberta arguidu sira iha detensaun hodi aplika medida adekuadu koasaun aprezentasaun periódiku hodi aprezenta aan kada fulan dala iha instalasaun Ministériu Públiku  Dili nian,” Henrique Maris, informa ba Agéncia TATOLI,  iha nia kna’ar fatin, Kintal-Boot Dili, tersa ne’e.

Nia hatutan, prosesu ne’e iha faze investigasaun MP ne’ebé promove arguidu sira ho krime furtu agravadu atu hatene kle’an liután  kona-ba envolvimentu arguidu sira nian Tribunál dúvida no seidauk hatene loloos.

Prosesu primeiru interrogatóriu ne’e prezide hosi Juiza Ana Paula Fonseca, Ministériu Públiku reprezenta hosi prokuradór Jacinto Babo.

Jornalista    : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here