Saudozu Sabino Guntur nia isin-mate bainhira lori ba Parlamentu Nasionál hodi hala’o seremónia sesaun solene hodi fó omenajen ikus, segunda (25/1). Imajen Tatoli/Antonio Goncalves.

DILI, 25 janeiru 2021 (TATOLI)–Prezidente Parlamentu Nsionál (PPN), Deputadu Aniceto Longuinhos Guterres Lopes, deside suspende atividade plenária ba loron ohin tanba desizaun ne’e nu’udar sentida lutu ba Deputadu Sabino Soares “Guntur”.

Notísia Relevante: Saudozu Guntur kontribui dinamiza frente klandestina

“Meza Parlamentu Nasionál deside suspende atividade plenária loron ida, nu’udar sentidu lutu ba saudozu Guntur,” Aniceto Guterres, informa liuhosi plenária hafoin dirije serimónia solene ba saudozu Guntur.

Aban, nia dehan, Parlamentu Nasionál sei hahu hikas plenaria hanesan baibain.

“Nu’udar Prezidente Parlamentu Nasionál no lori ha’u-nia família nia naran hato’o sentida kondolénsia no solidariedade tomak ba saudozu Guntur nia kaben, oan sira no família enlutada tomak. nune’e mós, ba Partidu Libertasaun Populár (PLP)
ho nia militante sira hotu, ne’ebé lakon kuadru no militante di’ak ida,” nia hateten.

Jornalista: Evaristo Soares Martins

Editór: Cancio Ximenes

HAKEREK NO HATÁN

Please enter your comment!
Please enter your name here