Kontra atake entre jogadór Aitana FC no Kablaki FC iha Kampu Demokrasia. Imajen/Mídia LFA

DILI, 25 janeiru 2021 (TATOLI) – Treinadór prinsipál Kablaki FC, João Fernandes, informa Kablaki FC   planu ona atu halo rekrutamentu ba jogadór hosi primeira divizaun, nune’e reforsa klube hosi Munisípiu Manufahi ne’e iha segunda divizaun Liga Futeból Timor-Leste époka ne’e.

“Agora daudauk ami nia jogadór anterior balu halai ba joga fali iha klube seluk, entaun ami nia jestór tenta halo komunikasaun hela ho jogadór balun hosi primeira divizaun klube la uza atu mai reforsa fali ami,” João Fernandes, informa ba Agéncia TATOLI, segunda ne’e, iha salaun Xanana Sport Centre, Dili.

Kablaki mós hanoin atu negosia ho jogadór internasionál, maibé haree ba Covid-19 agora númeru komesa aumenta iha mundu la fó garantia ba jogadór hosi estranjeiru mai joga, ho nune’e Kablaki sei uza de’it jogadór lokál iha époka ne’e.

Jogadór hirak ne’ebé Kablaki sei rekruta seidauk fó sai identidade loloos tanba sei iha faze negosiasaun no janela transferénsia.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here