Enkontru koordenasaun Ministru Obra Públika, Salvador Eugênio Soares dos Reis Pires, ho EDTL no BTL. Imajen/Mídia MOP

DILI, 24 janeiru 2021 (TATOLI)—Ministru Obra Públika (MOP), Salvador Eugênio Soares dos Reis Pires, realiza enkontru koordenasaun ho Prezidente Konsellu Administrasaun Eletrisidade Timor-Leste,Empreza Públika (EDTL,E.P), Paulino da Silva, no Prezidente Konsellu Administrasaun Bee Timor-Leste, Empreza Públika (BTL,E.P), Carlos Peloi dos Reis.

Tuir nota ne’ebé Agência TATOLI asesu, fó sai katak Ministru Salvador orienta instituisaun rua atu halo serbisu maka’as liután hanesan empreza públika ne’ebé iha ona autónomu administrativa, finanséiru no judisiáriu atu halo melloramentu ba liña enerjia eletrisidade no sistema bee-moos.

Iha enkontru ne’e, Prezidente Konsellu Administrasaun EDTL no BTL informa mós kona-ba atividade ne’ebé mak instituisaun rua ne’e hala’o ona hodi asegura fornesimentu enerjia eletrisidade no bee-moos ba komunidade.

Aliende ne’e, governante ne’e informa mós serbisu komisaun instaladora, kona-ba prosesu envolvimentu funsionáriu públiku ne’ebé atu foti lisensa durante tinan ida sein vensimentu hodi serbisu ba empreza públika, hafoin ne’e mak sira sei deside inklui halo avaliasaun ba mudansa ne’e.

Daudaun ne’e, EDTL no BTL halo operasaun ona hanesan empreza públika, ne’ebé halo sevisu manutensaun no melloramentu liña enerjia eletrisidade no sistema distribuisaun bee-moos ba komunidade.

Iha loron 6 janeiru, Konsellu Ministru nomea ona Paulo da Silva hodi sai nu’udar Prezidente Konsellu Administrasaun EDTL no nomea mos Carlos Peloi dos Reis hodi sai nu’udar Prezidente Konsellu Administrasaun BTL.

Proposta nomeasaun ne’e aprezenta rasik hosi Ministru Salvador.

Prezidente EDTL no BTL sei hala’o knaar administrativa ba períodu tinan haat.

Jornalista: Florêncio Miranda Ximenes

Editora: Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here