Citilink. Imajen/Google

DILI, 22 janeiru 2021 (TATOLI)—Sidadaun Indonézia (WNI, sigla indonézia) na’in-108, sesta ne’e, fila bá sira-nia rain ka repatria liuhosi Aeroportu Internasionál Prezidente Repúblika, Nicolau Lobato, Dili, ho aviaun komersiál Citilink.

Sidadaun Indonézia hirak ne’e sai hosi Timor-Leste, balun sei tuun hela iha Timor Osidentál ka Kupang, balun liu ba Denpasar, Bali no balun fali liubá Java sentrál.

“Objetivu loloos WNI sira fila bá Indonézia ne’e tanba tempu kleur sira hala’o servisu iha Timor-Leste, entaun sira tenke fila ba hasoru malu ho sira-nia família,”  Haktuir nota komunikadu imprensa hosi Embaixada Repúblika Indonézia (KBRI) iha Dili,ne’ebé Agência TATOLI asesu.

Antes ne’e sidadaun hirak ne’e hanesan traballadór iha kompañia, sira iha Timor-Leste hanesan traballadór tékniku konstrusaun, mekániku no balun konsultóriu  iha empreza nasionál Timor-Leste nian.

Hosi sorin seluk, Prezidente Autoridade Nasionál Aviasaun Timor-Leste (ANATL),  José Trindade, informa sira ne’e sai ho aviaun Citilink hosi Dili sei liubá Kupang, Denpasar no ba Java Sentrál.

Nia relata tan,  Sidadaun Indonézia sira ho aviasaun komersiál Citilink sai hosi Timor-Leste iha tuku 11:00 Otl.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here