Ekipa Konjunta Servisu Investigasaun Kriminál Nasionál (SIKN), Polísia Militár (PM), Servisu Nasionál Intelijénsia (SNI) no Alfándega liuhusi Departamentu Antí-Fraude halo teste X-Rey ne'ebé deskonfia rai materiál droga iha Illas Nosa Senhora de Assunção nia laran. Imajen espesiál.

DILI, 22 janeiru 2021 (TATOLI)–Komandu Polísia Nasionál Timor-Leste (PNTL), sesta ne’e, entrega hikas illas Nossa Senhora de Assunção ba Parókia Lospalos.

Illas Nossa Senhora de Assunção entrega hikas ba Igreja, hafoin iha kinta (21/01) halo identifikasaun la deteta ai-moruk droga iha laran.

Notísia relevante:La deteta droga, Komandu PNTL husu deskulpa ba Igreja Katólika 

Estátua ne’e lori bá Lospalos, akompaña hosi ekipa Konjunta Servisu Investigasaun Kriminál Nasionál (SIKN), Polísia Militár (PM), Servisu Nasionál Intelijénsia (SNI) no Alfándega liuhosi Departamentu Antí-Fraude no madre sira, ne’ebé tuir ajenda sei entrega direta ba Paróku Parókia São Paulo Lospalos, Pe. Thomas Gusmão de Carvalho.

Antes ne’e, Komandante Jerál Polísia Nasionál Timor-Leste (PNTL), Komisáriu Polísia, Faustino da Costa husu deskulpa ba Igreja Katólika ne’ebé koopera ona ho parte seguransa hodi halo identifikasaun ba objetu ne’ebé deskonfia tau materiál droga iha illas Nossa Senhora de Assunção, maibé to’o prosesu identifikasaun la deteta buat ruma iha laran.

Jornalista: Eugénio Pereira

Editór: Xisto Freitas

HAKEREK NO HATÁN

Please enter your comment!
Please enter your name here