Juiza Jumiaty Maria Freitas. Imajen Tatoli/Nelson de Sousa

DILI, 22 janeiru 2021 (TATOLI)-Juiza Jumiaty Maria Freitas, ohin, simu posse hosi Prezidente Tribunál Rekursu (PTR), Deolindo dos Santos, hodi asume knar  Juiza Administradora Distritál Baucau (TDB) ba mandatu tinan haat (2021-2025) hodi troka Juiz Administradór sesante, José Gonçalves.

Serimónia pose ne’ebé hala’o iha sala audiénsia TR ne’e asiste mós hosi Juis Administradór Tribunál Distritál Dili (TDD), Afonso Carmona ho juiz sira seluk.

Prezidente TR, Deolindo dos Santos, hateten Juiza Jumiaty Maria Freitas ne’e primeira vez Juiza feto ida iha Timor-Leste asume kargu nu’udar Juiza Administradora Distritál Baucau.

Jumiaty Maria Freitas, sente ne’e esperiénsia foun, maibé koko atu hala’o kna’ar ho responsavel ho esforsu durante mandatu bele lao ho di’ak.

“Ha’u tenke hala’o maka primeiru banati tuir nafatin servisu juis Administradór sesante sira nian saida mak halo tiha ona no buka atu hadi’a di’ak liután,” hateten Juiza Jumiaty Maria Freitas.

Nia kompromete sei hadi’a di’ak liután servisu, nune’e mantén administrativa ida efisiénsia ho efikás hodi asegura nafatin órgaun soberania hanesan Tribunál. Nune’e  garante justisa ne’ebé mak Tribunál hala’o tuir duni padraun lei hodi  tau kredibilidade ba justisa formal liuhosi Tribunál.

“Iha tinan 2020 iha Tribunál Distritál Baucau iha kazu pendente krime 400 no sivíl 300 sei esforsu atu prosesu sira pendente bele redús ho másimu,” nia hateten.

Jornalista   : Nelson de Sousa

Editór        : Francisco Simões

 

HAKEREK NO HATÁN

Please enter your comment!
Please enter your name here