iklan

COVID-19, HEADLINE, SAÚDE

MS seidauk fó sai oráriu ofisiál screening masál

MS seidauk fó sai oráriu ofisiál screening masál

Koordenadór pilár hitu COVID-19, Ministériu Saúde no atuál Diretór Nasionál Serbisu Hospitalár no Emerjénsia HNGV, Nilton da Silva. Imajen/Egas Cristovão.

DILI, 20 janeiru 2021 (TATOLI)—Ministériu Saúde (MS) to’o oras ne’e seidauk fó sai oráriu ofisiál kona-bá screening masál iha fatin públiku.

Tanba ne’e, koordenadór pilár hitu COVID-19, Ministériu Saúde, Nilton da Silva klarifika katak, oráriu ne’ebé virál iha média sosiál facebook, ne’e laloos.

Notísia Relevante:MS sei halo screening masál iha 25 janeiru

“Ohin iha karta ida ne’ebé mak virál duni iha média sosiál hakerek kona-bá oráriu. Iha ne’ebá tau Ministériu Saúde nia logo. Ekipa saúde atu fó hanoin ba públiku katak, seidauk legál ka  formál kona-bá karta ne’e,” Nilton da Silva hateten liuhosi konferénsia imprensa, kuarta ne’e.

Médiku ne’e fó hanoin nafatin ba públiku atu labele fiar informasaun ne’ebé espalla iha média sosiál no hein informasaun ofisiál hosi Ministériu Saúde.

Nia apela atu mantein kuidadu aan hodi komunga nafatin prinsípiu saúde iha ida-idak nia liman rasik, fase liman beibeik, uza máskara bainhira iha fatin públiku no mantein distansiamentu sosiál.

Jornalista: Felicidade Ximenes

Editór: Cipriano Colo

iklan
iklan

Leave a Reply

iklan
error: Content is protected !!