Prezidente foun EUA, Joe Biden. Imajen/Google

DILI, 20 janeiru 2021 (TATOLI) – Estadu Timor-Leste liuhosi Prezidente Repúblika, Francisco Guterres “Lú Olo” ho Primeiru-Ministru Taur Matan Ruak, ofisialmente haruka ona karta kongratulasaun ba Joe Biden, nu’udar prezidente foun ba Estadu Unidu Amerika (EUA) hodi troka Donald Trump.

Tuir oráriu ne’ebé públika iha mídia sira iha EUA, kuarta (20/01), oras EUA nian, Prezidente Joe Biden ho nia vise Kamala Harris, simu pose hodi sai loloos hanesan Prezidente no vise prezidente EUA nian ba tinan 2021-2024.

“Ita-nia Prezidente Repúblika ho Primeiru-Ministru haruka ona karta kongratulasaun ba Prezidente foun Amerika nian,” informa Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, ohin, iha Palaçio do Goveno, Dili.

Ministra Adaljiza Magno dehan, EUA hanesan  parseiru dezenvolvimentu ne’ebé mak  ajuda Timor-Leste maka’as tebes, liuliu iha  setór edukasaun, seguransa no seluk tan.

“Amerika nasaun ida ne’ebé ita iha kooperasaun di’ak tebes ho sira. Sira ajuda ita barak loos iha area oioin hanesan edukasaun no  seguransa. Ita dezeju para relasaun ita nian bele di’ak liu tan,” hateten Adaljiza Magno.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here