Prezidente Comité Orientadora 25 Constâncio Pinto 'Terus'. Imajen Tatoli/Egas Cristovão

DILI, 20 janeiru 2021 (TATOLI)—Prezidente Komité Orientadór 25, Constâncio Pinto ‘Terus’ husu Ministériu Edukasaun Juventude no Desportu (MEJD) atu halo mudansa ba kurríkulu hodi hatama istória luta ukun rasik aan nian, nune’e bele introdús ba estudante sira.

“Ita presija halo ona mudansa ba kurríkulu atu bele hahú introdús matéria istória luta ukun rasik aan ba estudante sira iha eskola ensinu báziku no ensinu sekundáriu,” Terus hateten ba jornalista sira, hafoin relata serbisu ba Ministru Armindo Maia iha salaun enkontru MEJD Vila Verde, kuarta ne’e.

Notísia Relevante:2021, Komité Orientadór 25 sei prodús livru ualu

Membru komité 12 novembru ne’e konsidera prosesu introdusaun istória luta ukun rasik aan ba jerasaun foun sira importante atu bele hatene ninia istória rasik, nune’e bele defende nu’udár patrimóniu ida iha futuru.

Nia iha esperansa katak, parte Ministériu Edukasaun Juventude no Desportu hamutuk ho Sekretáriu Estadu Juventude no Desportu sei konsidera asuntu ne’e.

Komité ne’e rasik promete ona katak, iha tinan ne’e, sei prodús livru ualu (8) ho nia volume neen (6) ne’ebé ko’alia kona-bá istória luta ukun rasik aan Timor-Leste (TL) nian.

Jornalista: Tomé Amado

Editór: Cipriano Colo

HAKEREK NO HATÁN

Please enter your comment!
Please enter your name here