Juiz Administradór Tribunál Distritál Dili (TDD), Afonso Carmona. Imajen Tatoli/Dok.

DILI, 20 janeiru 2021 (TATOLI)-Governu liuhosi Ministériu Justisa (MJ) ho koordenasaun  Ministériu Negósiu Estranjeiru no Kooperasaun (MNEK) presiza halo kooperasaun judisiál (akordu estradisaun) ho nasaun sira seluk hodi apoiu liu-tan servisu justisa nian.

Kestaun ne’e hato’o hosi Juis Administradór Tribunál Distritál Dili (TDD), Afonso Carmona, ba Agéncia Tatoli, ohin, iha nia kna’ar fatin, Mandarin, Dili.

Nia hateten, nesesáriu duni Governu presiza iha ona planu kria regra hodi halo akordu kooperasaun ho nasaun seluk, nune’e oinsá fasilita ba prosesu kazu ruma bele iha koordenasaun servisu judisiál.

Notísia Relevante : Governu Presiza Haree Lei Estradisaun ho Kooperasaun Judisiál

“Tanba iha situasaun konkretu barak hatudu ona katak kazu balun iha arguidu/a dezvia hodi halai hosi justisa ka halai ba rai li’ur hodi difikulta prosesu. Nune’e, ho akordu kooperasaun judisiál ne’e bele halo bilateral, multilateral nune’e iha prosesu ruma ita bele halo koordenasaun servisu justisa ho rai sira seluk hodi fasilita,” Afonso Carmona hateten.

Nia hatutan, kompeténsia Tribunál nian aplika de’it lei no administra justisa haree ba iha territorial, internasionál no konstituisaun ho valór tanba ne’e presiza kooperasaun kria regra.

Notísia Relevante : TL Labele Kriminaliza Gusty Amaral Tanba La iha Akordu PtoP no GtoG

Jornalista   : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here