Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, segunda (20/01). Imajen TATOLI/Egas Cristovão

DILI, 20 janeiru 2021 (TATOLI)—Iha reuniaun Konsellu Ministru (KM) kuarta ne’e, aprova alterasaun proposta-lei kona-ba enkuadramentu Orsamentu Jerál Estadu (OJE) no Jestaun Finanseira Públika.

Antes ne’e, aprova ona iha reuniaun ezekutivu iha loron 21 dezembru 2020, tuir projetu ne’ebé aprezenta hosi Ministru Finansa, Rui Augusto Gomes, maibé iha alterasaun balun nune’e presiza apresiasaun KM molok haruka ba Parlamentu Nasionál.

Notísia relevante: Governu altera enkuadramentu OJE no jestaun finanseira públika

“Ida-ne’e hanesan alterasaun simples ida, artigu balun iha ne’ebá koalia kona-ba prosesu kontratasaun sira ne’e mak tuir Konsellu Ministru hanesan karatér tranzitóriu ne’ebé la presiza tama iha proposta ne’e, tanba proposta lei ne’e ho karáter ne’ebé maka aban-bainrua sei sai permanente,” Ministru Fidelis relata hafoin ramata reuniaun ezekutivu, iha Palásiu Governu.

Entretantu, alterasaun diploma ne’e destaka alterasaun ho definisaun perímetru orsamentál, planeamentu programasaun orsamentál plurianuál, adosaun orsamentasaun tuir programa, rejime prorrogasaun OJE ba rejime ezekusaun duodesimál no ba melloria informasaun orsamentál ne’ebé prodús.

Proposta-lei ne’e sei hato’o ba Parlamentu Nasionál hodi nune’e bele koordena ho Governu hodi diskute.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here