Enkaregadu Negosiu Embaixada EUA, Elias Parra. Imajen TATOLI/Egas Cristovão

DILI, 19 janeiru 2021 (TATOLI) – Estadus Unidus Amerika (EUA) liuhosi nia enkarregadu Negósiu Embaixada iha Timor-Leste, Elias Parra, ohin, hala’o sorumutuk ho Primeiru-Ministru Taur Matan Ruak, hodi atualiza misaun servisu ne’ebé antes ne’e halo ona iha Timor-Leste.

“Ha’u mai atualiza servisu sira durante  Estadus Unidus Amerika halo iha Timor – Leste ba Primeiru-Ministru liuliu kona-ba programa Millennium Challenge Coperation (MCC),” Elias Parra hateten ba jornalista iha Palaçio do Governo.

Elias Parra mós hato’o kongratulasaun hosi   MCC nia diretór ezekutivu tanba Timor – Leste selesionadu hodi hetan programa ne’e.

Notísia Relevante : 2021, MCC kontribui fundu millaun $200 implementa projetu drenajen-saneamentu

“Maski Covid-19 halo atrazu uitoan dezenvolvimentu, maibé ita sei servisu hamutuk nafatin hodi lao ba oin,” Elias Parra hateten.

Akordu ba programa MCC sei asina iha juñu nia laran bainhira buat hotu lao di’ak laiha fallansu. Liuhosi akordu ne’e Timor-Leste sei hetan milaun $285 hosi EUA hodi hala’o atividade MCC, implementa uluk projetu iha área bee-moos, saneamentu, drenajen no edukasaun.

Jornalista   : Hortencio Sanchez

Editór        : Francisco Simões

HAKEREK NO HATÁN

Please enter your comment!
Please enter your name here