Motor sira ne’ebé polísia halo apreensaun tanba komete infrasaun ba lei tránzitu. Imajen Tatoli/Eugénio Pereira

DILI, 18 janeiru 2021 (TATOLI)- Durante semana ne’e, hahú hosi loron 10 to’o loron 17 janeiru 2021, Komandu Polísia Munisípiu Dili, liuhosi Seksaun Tránzitu Dili, halibur osan hamutuk $8,000.00 hosi infratór sira ne’ebé komete violasaun ba lei tránzitu.

Notísia Relevante : Komandu PNTL espresa domin ba membru ne’ebé sofre moras

 “Durante semana kotuk to’o domingu horiseik (17/01), ita konsege rekolla osan hamutuk $8,000.00 hosi infratór sira ne’ebé hatama ona ba Kofre Estadu,” informa Segundu Komandante PNTL, Superintendente Euclides Belo ba jornalista, ohin, iha Kuartél PNTL, Dili.

Motór sira ne’ebé PNTL halo apreensaun 100-resin agora para hela iha arredores PNTL, Caicoli, Dili, ne’ebé identifika maioria viola regra tránzitu nian hanesan, dokumentu la kompletu, karta kondusaun mate no problema seluk tan.

Iha parte seluk, durante semana ne’e, PNTL Dili rejista mós kazu insidente ne’ebé akontese iha kapitál Dili hamutuk 12 ho tipu hanesan, ofende integridade fízika simples rejista aas liu.

Jornalista   : Eugénio Pereira

Editór        : Francisco Simões

HAKEREK NO HATÁN

Please enter your comment!
Please enter your name here